Xalqaro Olimpiya qo‘mitasi 2028 yilda bo‘lib o‘tadigan Los-Anjeles Olimpiadasi uchun rasmiy taqvimni e’lon qildi. Tantanalik ochilish marosimi 14-iyul kuni o‘tkazilishi belgilangan bo‘lsa-da, ba’zi sport turlari bo‘yicha musobaqalar ikki kun avval — 12-iyuldan boshlanadi.
Boks musobaqalari esa 15-iyuldan start oladi va 23-iyulgacha saralash hamda chorak final uchrashuvlari o‘tkaziladi. Yarim final va final janglari esa 4 kun davomida — 27-iyuldan 30-iyulgacha tashkil etiladi.
Janglarning finalgacha bo‘lgan bosqichiga “Peacock Theater” majmuasi mezbonlik qiladi. Hal qiluvchi bahslar esa “DTLA Arena” da bo‘lib o‘tishi rejalashtirilgan.
Ma’lumot uchun, avvalroq boks 2028-yilgi Olimpiya o‘yinlari musobaqalari ro‘yxatidan chiqarilgan edi. Biroq Xalqaro Olimpiya Qo‘mitasining (XOQ) Gretsiyaning Kosta-Navarino shahrida bo‘lib o‘tgan 144-sessiyasida boksning 2028-yilgi Los-Anjeles Olimpiadasi dasturiga rasman qaytarilishi bo‘yicha yakuniy qaror qabul qilindi.
Endilikda Los-Anjeles Olimpiadasida boks musobaqalari 2023-yilda tashkil etilgan World Boxing federatsiyasi tomonidan boshqariladi
Izoh (0)