Ижтимоий тармоқларда бир аёл мурожаат қилиб, ички ишлар ходими 86 ёшли онасига куч ишлатганини айтди. Вилоят прокуратураси ҳолат юзасидан маълумот берди.
Маълум бўлишича, 2024 йил 5 сентябрь куни Жиззах шаҳрида яшовчи фуқаро Р.Ю. қизи ва бошқалар иштирокида қўшниси билан ўзаро жанжаллашиб турган вақтида Жиззах шаҳар ИИБ профилактика инспектори Ж.Н келиб, уларни қўлини қайириб, тан жароҳати етказгани юзасидан чора кўришни сўраб, мурожаат қилган.
Ҳолат юзасидан Жиззах шаҳар прокуратураси томонидан терговга қадар текширув ҳаракатлари ўтказилиб, натижасига кўра профилактика инспекторининг ҳаракатларида жиноят таркиби аниқланмагани сабабли Жиноят процессуал кодексининг 83-моддаси 2-бандига асосан жиноят иши қўзғатиш рад этилган.
Фарғона вилояти Учкўприк туманида ота-болани ички ишлар ходимлари калтаклагани ҳақида хабарлар тарқалган эди. Қонуний талабга бўйсунмасдан, асоссиз равишда бақир-чақир қилишиб, ҳақоратли сўзлар ишлатишиб, ходимга ташланишган вақтда, уларнинг ноқонуний хатти-ҳаракатлари ИИО тўғрисидаги қонун ва меъёрий буйруқ талаблари асосида тўхтатилиб, ҳолат бўйича ҳужжатлар расмийлаштирилган.
Изоҳ (0)