Qoraqalpog‘istonda 2 ming 680 bosh yo‘rg‘a tuvaloqlar yovvoyi tabiatga qo‘yib yuborildi. Bu haqda Qoraqalpog‘iston Respublikasi Ekologiya, atrof-muhitni muhofaza qilish va iqlim o‘zgarishi vazirligining matbuot xizmati xabar bermoqda.
O‘zbekiston “Qizil kitob”i hamda Tabiatni muhofaza qilish xalqaro uyushmasi “Qizil kitob”ga kiritilgan va yo‘qolib ketish xavfi ostidagi yovvoyi fauna va flora turlari bilan xalqaro savdo qilish (CITES) konvensiyasining 1-ilovasiga kiritilgan noyob qush – yo‘rg‘a tuvaloqlarni Qoraqalpog‘iston hududining yovvoyi tabiatiga har yili 2 ming boshdan 3 ming boshgacha qo‘yib yuborishni rejalashtirilgan.
-0d5lA3J0.jpg)
Rejaga asosan, Qo‘ng‘irot tumani Ustyurt tekisligiga jami 2 ming 680 bosh yo‘rg‘a tuvaloq qushlari qo‘yib yuborilgan.
Yo‘rg‘a tuvaloq qushlari turnasimonlar oilasiga mansub qushlarning bir turi bo‘lib, asosan hasharotlar va qisman o‘simliklar bilan oziqlanadi. O‘zbekistonda 3 turi to‘xtatuvaloq, bizg‘atuvaloq, yo‘rg‘a tuvaloq uchraydi. Bu qushlar ov qushlari qatoriga kiradi. Soni keskin kamayib ketganligi tufayli O‘zbekiston Qizil kitobiga kiritilgan.
Izoh (0)