Go‘zalligi bilan dunyoni lol qoldirayotgan 10 nafar koreys aktrisasi (foto)

Go‘zallik tushunchasi subyektiv bo‘lsa-da, koreyslar obyektiv go‘zallik genomini topgandek yoki ularning plastik jarrohlari o‘z ishini yaxshi bajaradi.

10. Xan Xyo Ju

Maktabda aktrisani xushchaqchaqligi uchun “Ko‘k qush” deb atashgan. Voyaga yetganida esa u eng yaxshi ayol roli uchun “Moviy ajdaho” mukofotini qo‘lga kiritadi. Aftidan, moviy rang uning omad rangidir.

Shu bilan birga, aktrisaning o‘zi o‘zini introvert hisoblaydi — u o‘zining kichik dunyosida hayotdan zavqlanishni afzal ko‘radi.

9. Sin Se Gyon

Bolaligidan aktrisa qo‘shiqchi bo‘lishni orzu qilganhat, to idol guruhida mashq qilgan. Aslida uning karyerasi 1998-yilda, 8 yoshida So Tayjining “Take Five” albomining muqovasi uchun model bo‘lganida boshlangan. Uzoq vaqt davomida aktrisa o‘zini go‘zal deb hisoblamagan. Umuman olganda, u ommaviylikni unchalik yoqtirmaydi va shovqin-suronli ziyofatlardan ko‘ra, vaqtini uyda o‘tkazishni va biror narsa tayyorlashni afzal ko‘radi. Uning orzularidan biri — o‘z qahvaxonasini ochish.

8. Kim Jisu

Jisu BlackPink guruhining vokalisti. Aktrisa sifatida u 2021-yilda “Qorbobo” dramasida debyut qilgan. Uning “Erkaklar yuragini parchalovchi Jisu” degan laqabi bor. Xonandaning fe’l-atvorini oldindan aytib bo‘lmaydi, lekin shu bilan birga u juda iste’dodli qiz: yapon va ingliz tillarida bemalol gapiradi, an’anaviy koreys nog‘oralarini chaladi. Sayohat qilishni orzu qiladi.

7. Ayyu

Uni “K-pop to‘lqinining ma’budasi” deb atashadi. 2010-yildan boshlab esa “Millat singlisi” deb atashadi — bu qo‘shiqchi va boshqa san’atkorlar uchun faxriy unvon bo‘lib, ularning tashqi ko‘rinishi, xarizmasi va xatti-harakatlari ma’sumlik, mehribonlik va yoqimlilik bilan bog‘liq. Yoshligida Ayyu o‘zini xunuk deb hisoblagan, hatto plastik operatsiya qilishni xohlagan.

2019-yilda Forbes ma’lumotlariga ko‘ra Janubiy Koreyaning eng nufuzli mashhurlari ro‘yxatida 4-o‘rinni egalladi. O‘sha yili Forbes uni turli xayrli ishlarga 800 ming dollar xayriya qilgani uchun “Ezgulik qahramoni” deb atagan. Ayyu o‘zi va boshqa san’atkorlar uchun 50 dan ortiq qo‘shiq yozgan. O‘z musiqa maktabini ochishni orzu qiladi.

6. Kim Yu Jon

Yu Jon 2017-yilda Forbes jurnalining “Koreyaning eng nufuzli mashhurlari” ro‘yxatida 8-o‘rinni egallab, ushbu ro‘yxatdagi eng yoshi (17 yosh) bo‘ldi.
Shuningdek, u ham “Millat singlisi” unvoniga ega bo‘lgan. Tarixiy rollari uchun Janubiy Koreyadagi tarixiy dramalar ramziga aylandi. Koreyadagi ko‘plab qizlar aktrisani taqlid qilish uchun namuna sifatida qabul qilishadi.

5. Xon So Xi

So Xi 20 yoshida hech vaqosiz Seulga ko‘chib o‘tib, kun kechirish uchun mayxonada ishlaydi. Shu bilan birga, u doimo aktrisa bo‘lishni orzu qilgan.
Uning debyuti 2016-yilda “Tell Me What To Do” klipida bo‘lgan. 2020-yilda “Juftlik dunyosil dramasida suratga tushganidan keyin mashhur bo‘ladi. Ilgari u tashqi ko‘rinishiga ishonchsizlik bilan qaragan va plastik jarrohlikka murojaat qilgan.

Gollivudda superqahramon rolini o‘ynashni orzu qiladi. Bo‘lajak turmush o‘rtog‘ni aktyor emas, balki boshqa sohada bo‘lishini xohlaydi. U mashhur Ryu Jun Yol bilan uchrashib yurgan, ammo munosabatlari haqida ommaga e’lon qilinganidan 2 hafta o‘tgach, ajralishgan.

4. Son Xe Gyo

U 1996-yilda SunKyung Smart Model Contest tanlovida g‘olib chiqqanida keyingaina shou-biznesga kirib kelgan. 2016-yilgi “Quyosh avlodlari” dramasi bilan tanilgan, bu dramada Son Jun Ki ham rol o‘ynagan. 2017-yilda aktrisa unga turmushga chiqadi, ammo 2019-yilda ular ajrashishadi.

Aktrisa intervyu berishni yoqtirmaydi. Sayohat qilishni va rasmlarini tarmoqda baham ko‘rishni yaxshi ko‘radi. Uni go‘zalligi uchun baholashlarini, ayniqsa, “go‘zallik ma’budasi” deb atashlarini jini suymaydi. Omma e’tiboridan uzoqda tinch va osoyishta hayotni orzu qiladi.

3. Chxe Su Bin

Su Binning taqdirini o‘quvchiligidayoq ko‘chada o‘tib ketayotgan kasting direktori hal qilgan, deyish mumkin. Kasting direktori uning salohiyatini ko‘rib, o;zini kastinglarda sinab ko‘rishni taklif qiladi — bu uning hayotida burilish nuqtasiga aylanadi. U bolaligida juda uyatchan bo‘lgan. Aktrisa baxt hayotning asosiy maqsadi emas, balki ruhiy holat ekanligiga ishonadi.

2. Pe Syuzi

2012-yilda “Arxitekturaga kirish” filmidagi roldan so‘ng aktrisa “Millatning ilk muhabbati” unvoniga sazovor bo‘ladi. Koreyslar uni Janubiy Koreyadagi eng go‘zal aktrisalardan biri deb bilishadi, shuningdek, eng talabgir reklama modellaridan biri hisoblanadi. Kinoda yovuz ayol rolini o‘ynashni, hayotda esa katta, ahil oila va farzandlarni orzu qiladi.

1. Go Yun Chon

Yun Chon eng istiqbolli koreys aktrisalaridan biri hisoblanadi. U 2019-yilda “Psixometrik” dramasida debyut qilgan. Katta mashhurlik va umidlarga qaramay, aktrisa real hayotda kamtar va tortinchoq. Ammo rollarni tanlashda juda sinchkov, uni ommabop loyihalar qiziqtirmaydi, unga yaxshi yozilgan ssenariy muhim. Bu uning perfeksionizmining ko‘rinishi bo‘lib, u maydonchada ham namoyon bo‘ladi. Yun Chon o‘ziga juda talabchan — ijtimoiy tarmoq yuritmaydi. Bo‘sh vaqtini ko‘rgazmalarda yoki kino tomosha qilish bilan o‘tkazishni afzal ko‘radi.