Turkiyaning nufuzli mukofotlaridan biri — “Oltin kapalak-2024”ga nomzodi qo‘yilgan aktrisalar

“Oltin kapalak” — Turkiya televideniye san’atidagi eng nufuzli mukofotlardan biri hisoblanadi. Bu yil “Eng yaxshi aktrisa” nominatsiyasida ko‘plab aktrisalar g‘oliblik uchun kurashmoqda.

Afra Saracho‘g‘lu (“Qo‘rg‘on sirlari” seriali)

“Qo‘rg‘on sirlari” seriali so‘nggi 3 yil ichida boshqa mamlakatlarga eng ko‘p sotiladigan seriallardan biriga aylandi. Shu sababli bosh rollarni ijro etgan aktyorlar tomoshabinlar muhabbatiga sazovor bo‘lgani ajablanarli emas.

Bosh ayol rolini Afra Saracho‘g‘lu ijro etgan. Aktrisa jozibali tashqi ko‘rinishga va haqiqiy iste’dodga ega bo‘lgani uchun uni nafaqat seriallarda, balki moda jurnallarining muqovalarida va reklama kampaniyalarida ham tez-tez ko‘rish mumkin.

Aktyorlik mahorati va chuqur his-tuyg‘ularni yetkazish qobiliyati bilan ajralib turgan Afra Saracho‘g‘lu bu yil nufuzli mukofotga da’vogarlik qilmoqda.

Birja Akalay (“Qush parvozi” seriali)

Birja Akalay bu yil Harper’s Bazaar nashri tomonidan “Eng yaxshi aktrisa” nominatsiyasida g‘olib chiqdi. Ehtimol, keyingi mukofot ham iqtidorli aktrisaga nasib qilar. Uning turk kinosi rivojiga qo‘shgan hissasi sezilarli va u yosh aktyorlarni ilhomlantirishda davom etmoqda.

2024-yilda Birja Akalay bosh rolni ijro etgan “Qush parvozi” melodramasining uchinchi mavsumi chiqdi. Aynan shu loyiha unga “Oltin kapalak”da g‘olib bo‘lishga da’vo qilish imkonini beradi.

Demet Evgar (“Bahor” seriali)

O‘zining rolga kirishish qobiliyati bilan tanilgan Demet Evgar yangi “Bahor” melodramasi bilan yana bir bor tomoshabinlarni hayratda qoldirdi. Uning qahramoni o‘zini topish uchun ko‘plab sinovlardan o‘tadi. Bahor obrazi aktrisaga aktyorlik mahoratining eng kuchli tomonlarini namoyish etish imkonini berdi.

O‘zgu Namal (“Alvon g‘unchalar” seriali)

O‘zgu Namal uzoq tanaffusdan so‘ng haqiqiy hit — “Alvon g‘unchalar” bilan ekranlarga qaytdi. Murakkab drama aktrisaga suratga olish maydonchasida o‘zini yangi rakursdan ochishga yordam berdi. 

Sila Turko‘g‘li (“Qizil sharbat” serialida)

Sila Turko‘g‘li kundalik seriallarda tajriba orttirib, “Qizil sharbat” melodramasida bosh rolni o‘ynashga muvaffaq bo‘ldi. Yosh aktrisa tomoshabinlar mehrini qozondi va professional jihatdan o‘sdi. Bu yil aktrisa mazkur serialdagi bosh roli tufayli muhim marosimda nufuzli mukofotni qo‘lga kiritish uchun barcha imkoniyatlarga ega.

Jemre Baysel (“Laylo” seriali)

Bu Jemre Bayselning birinchi muhim rollaridan biri edi. Shundan so‘ng “Taqdir o‘yini”, “Sendan chiroyliroq” va “Meni yashir” melodramalardagi bosh rollar unga nasib etdi.

Bu yil Jemre Baysel yana ekranlarda porlaydi, faqat vayron bo‘lgan bolaligi uchun qasos olishga ishtiyoqmand qiz Laylo rolini o‘ynaydi.

Yag‘mur Yuksel (“Qonli gullar” seriali)

Turklarga xos bo‘lmagan go‘zallikka ega yosh yulduz — Yag‘mur Yukselga “Qonli gullar” serialidagi debyut roli mashhurlik keltirdi. Yag‘mur tezda tomoshabinlar mehrini qozondi, shuning uchun ko‘pchilik unga karyerasini kundalik seriallardan boshlagan, hozirda esa eng yaxshi rollarni o‘ynayotgan va yirik brendlar bilan hamkorlik qilayotgan Sila Turko‘g‘li va O‘zge Yag‘izning muvaffaqiyatini bashorat qiladi.