Shavkat Mirziyoyev AQSHning markaziy va janubiy shtatlarida ro‘y bergan halokatli tornadolar oqibatida ko‘plab insonlar qurbon bo‘lgani, jarohat olgani va katta talafotlar ko‘rilgani munosabati bilan Donald Trampga taʼziya maktubi yo‘lladi.
Davlat rahbari vafot etganlarning yaqinlariga sabr-toqat va bardamlik, jarohat olganlar tez fursatda shifo topishini tiladi.
Avvalroq AQSHning markaziy va janubiy shtatlarida sodir bo‘lgan halokatli tornadolar kamida 33 kishining umriga zomin bo‘lgani haqida xabar berilgandi.
Kanzasda kuchli chang bo‘roni tufayli 50 ta transport vositasi ishtirok etgan YTHda kamida sakkiz kishi halok bo‘lgan. Oklaxomada bir kishi, Texasning Amarillo okrugida esa chang bo‘roni paytida sodir bo‘lgan avtohalokatlar oqibatida uch kishi halok bo‘lgan.
Izoh (0)