Kubada elektr tarmog‘ida nosozlik yuz berishi oqibatida butun mamlakat bo‘ylab elektr uzilishi sodir bo’ldi. Fuqarolar hukumatni infratuzilmaga sarmoya kiritmaganlikda ayblamoqda. Bu haqda CNN xabar berdi.
“14 mart kuni taxminan soat 20:15 da Diezmero podstansiyasidagi nosozlik Kuba g‘arbida elektr energiyasining uzilishiga va shu bilan birga Milliy elektr tizimining ishlamay qolishiga olib keldi” , deyiladi Kuba Energetika va tog‘-kon sanoati vazirligi bayonotida.
Kuba rasmiylari avvalroq AQSH prezident Donald Trampning kuchaytirilgan iqtisodiy sanksiyalarni shundoq ham zaif energetika sektoriga yanada ko‘proq putur yetkazganlikda ayblagan edi. Xususan, 2024-yilning oktyabr oyida deyarli bir hafta davomida Kubaning katta qismi elektr ta’minotidan deyarli to‘liq uzildi, bu so‘nggi o‘n yilliklardagi eng jiddiy uzilish edi.
Bo‘lib o‘tgan voqeaga fuqarolar asosiy sabab hukumatning bee’tiborligini aytib, infratuzilmaga sarmoya kiritmagani oqibatida 10 milliondan ortiq odam qorong‘ida qolishga majbur bo‘lganini ta’kidlashmoqda.
Izoh (0)