Modern Talking guruhining shou-biznes olamidagi olamshumul muvaffaqiyatini Yevropada hozirgacha hech qaysi san’atkor takrorlay olmadi. Tomas Anders hamkasbi va ijodiy g‘oyalar katalizatori Diter Bolen mashhur guruhni yaratish tashabbuskori bo‘lganini hech qachon inkor etmagan.
Burgomisterning o‘g‘li Tomas Anders o‘zining ajoyib musiqiy qobiliyatini bolaligidayoq namoyon etgan. Ota-onasi uning turli musobaqalardagi muvaffaqiyatlaridan juda xursand bo‘lishadi. Vaqt o‘tib, nemis sahnasida jozibali ko‘rinishga ega va g‘ayrioddiy yumshoq, lirik ovozli yorqin qo‘shiq ijrochisi paydo bo‘ladi. 1983-yilda yosh yigitning hayotida muhim voqea yuz beradi: Tomas prodyuser va bastakor Diter Bolen bilan tanishadi. Shunday qilib, mashhur “Modern Talking” dueti tashkil etiladi.
Tomas Andersning yoqimli ovozi ayniqsa 80-yillarning oxirida har bir radio va telekanallardan yangrar edi. “Cheri Cheri Lady” va “You’re My Heart” xitlari raqs maydonlarida eng xit taronalar hisoblanar edi.
Guruhga yana bir solist — yigirma yoshli Bernd taklif etilgandi. Kastingdan o‘tkazish masalasida Diter juda talabchan edi. U Veydungning qo‘shiq ijrosini eshitib, quvonchdan sakrab tushgan. Uning ichki ovozi ham pand bermagan: 1984-yil 29-oktyabr kuni Gamburgda mazkur guruhning birinchi singli chiqqach, san’at sohasiga endigina kirib kelgan Bernd Veydung va Tomas Anders dueti Yevropaning xit taronalari reytingida ketma-ket yuqori pog‘onalarni egalladi.
Duetning ilk albomi “The 1st Album” (1985) dunyo bo‘ylab 8 million nusxada sotildi va “You’re My Heart, You’re My Soul” qo‘shig‘i xitga aylandi. Keyinchalik “Cheri, Cheri Lady”, “Brother Louie”, “Atlantis Is Calling”, “Geronimo’s Cadillac” (1986) kabi qo‘shiqlar ham hit-paradlarni zabt etdi.
Bolen va Andersning bir-biriga o‘xshamas, kontrast tashqi ko‘rinishi “Modern Talking” ning dunyo miqyosida mashhurlikka erishish omillaridan biri hisoblanadi: Baquvvat va biroz qo‘pol ko‘rinishdagi sariq sochli, nozik ovozli va kosmetikadan foydalanadigan qoramag‘iz yigit obrazi bir-birini to‘ldirar edi. Tomasning ajoyib va biroz ayollarga xos qiyofasi ba’zan turli hazillarga sabab bo‘lar edi: ayrim muxlislar hatto duetning ikkinchi a’zosini qiz bola deb o‘ylashgan.
Anders esa o‘zining androgen qiyofasidan mutlaqo uyalmas edi, aksincha, u kosmetika ishlatar va “erkaklarga xos bo‘lmagan” uslubdagi kiyim va ranglarni tanlar edi. Uning boshqalarga o‘xshamas qiyofasi ko‘plab mish-mishlarga sabab bo‘lgan bo‘lsa-da, ular haqiqatdan yiroq edi. Duet tashkil etilgan yilda Anders Nora Ballingg ismli ayolga uylandi.
Darhaqiqat, uni “Modern Talking” duetining tarqalib ketishida ayblashadi, chunki Nora guruh faoliyati bilan bog‘liq barcha masalalarda faol ishtirok etishni istagan va bu yaxshilikka olib kelmagan. 1999-yilda Tomas u bilan ajrashdi, oradan bir necha oy o‘tgach esa, Tomas tarjimon ayol Klaudiya Xessga uylandi. Hozirda juftlik baxtli hayot kechirmoqda, ularning bir nafar o‘g‘li bor.
1998-yilda duet kutilmaganda qayta birlashdi va yangi albomlar chiqara boshladi. “Back for Good” (1998) albomi katta shov-shuvga sabab bo‘lib, “Modern Talking” yana jahon miqyosida mashhurlikka erishdi. Ularning yangi hitlari orasida “You Are Not Alone”, “China in Her Eyes” kabi qo‘shiqlar o‘rin olgan. Biroq 2003-yilda duet yana ajraldi.
Tomas Anders esa yakkaxon ijod qilishda davom etdi. U nafaqat Yevropa, balki AQSh va Lotin Amerikasi uchun ham qo‘shiqlar yozishni muvaffaqiyatli davom ettirdi. Uning qo‘shiqlari mavzusi doimgidek muhabbat mavzusida bo‘lib, nemis, ispan va ingliz tillarida kuylaydi.
Modern Talking bugungi kunda ham retro musiqa muxlislari orasida katta e’tiborga ega. Ularning qo‘shiqlari hali ham radiolarda yangraydi, yangi avlod tomonidan sevib tinglanadi va remiks shaklida qayta ishlanadi.
Izoh (0)