AQSH hukumati Venesuelaning “Tren de Aragua” deb nomlanuvchi jinoiy guruhiga mansub 238 nafar muhojirni Salvadorga deportatsiya qildi. Ular u yerdagi mashhur mega qamoqxonaga joylashtirildi. Bu haqda Salvador prezidenti Nayib Bukele xabar berdi.
Salvadordagi aeroportda muhojirlar bo‘lgan samolyotni o‘nlab qurollangan xavfsizlik xodimlari kutib olgan. Mega qamoqxona o‘zining sharoitlari bilan xalqaro miqyosda mashhur. Mahbuslar qamoqda o‘tirgan holda ishlashga majbur. Ular haddan tashqari gavjum kameralarda yashaydi, raqib to‘da a’zolari oziq-ovqat va suv uchun o‘limgacha kurashadi, deyiladi xabarda.
AQSH ular uchun juda kam to‘lov qiladi, lekin biz uchun bu yuqori narx. Vaqt o‘tishi bilan 40 mingdan ortiq mahbuslarning mehnati qamoqxona tizimimizni o‘zini o‘zi ta’minlaydigan qiladi. Hozirda bu tizim yiliga 200 million dollarga tushmoqda, deydi Bukele.
Prezidentning ta’kidlashicha, Venesueladagi to‘da a’zolaridan tashqari, El-Salvadorda qidiruvda bo‘lgan MS-13 ning 23 nafar a’zosi ham deportatsiya qilingan.
Ulardan biri jinoiy tashkilotning oliy tuzilmasi a’zosi. Bu bizga razvedka ma’lumotlarini to‘plashni yakunlash va MS-13 ning so‘nggi qoldiqlarini, jumladan, uning sobiq va yangi a’zolari, mablag‘lari, qurol-yarog‘lari, giyohvand moddalari, yashirinish joylari, hamkorlari va homiylarini fosh etishga yordam beradi, degan Salvador prezidenti.
Bukelening aytishicha, Salvador “uyushgan jinoyatchilikka qarshi kurashda oldinga siljishga” sodiq. Ammo bu safar ittifoqchilarga ham yordam beradi.
Qamoqxona tizimimizni o‘z-o‘zini ta’minlaydigan qilamiz va mamlakatimizni yanada xavfsizroq joyga aylantirish uchun muhim razvedka ma’lumotlarini olamiz. Yaratgan Salvadorni, Qo‘shma Shtatlarni yorlaqasin, degan Bukele.
AQSH davlat kotibi Marko Rubio Salvador prezidentiga “yordam va do‘stlik” uchun minnatdorlik bildirgan.
Izoh (0)