Шавкат Мирзиёев АҚШнинг марказий ва жанубий штатларида рўй берган ҳалокатли торнадолар оқибатида кўплаб инсонлар қурбон бўлгани, жароҳат олгани ва катта талафотлар кўрилгани муносабати билан Дональд Трампга таъзия мактуби йўллади.
Давлат раҳбари вафот этганларнинг яқинларига сабр-тоқат ва бардамлик, жароҳат олганлар тез фурсатда шифо топишини тилади.
Аввалроқ АҚШнинг марказий ва жанубий штатларида содир бўлган ҳалокатли торнадолар камида 33 кишининг умрига зомин бўлгани ҳақида хабар берилганди.
Канзасда кучли чанг бўрони туфайли 50 та транспорт воситаси иштирок этган ЙТҲда камида саккиз киши ҳалок бўлган. Оклахомада бир киши, Техаснинг Амарилло округида эса чанг бўрони пайтида содир бўлган автоҳалокатлар оқибатида уч киши ҳалок бўлган.
Изоҳ (0)