Rossiyaning “Kama” avtomobil ishlab chiqaruvchi zavodi O‘zbekistonni o‘zining yangi elektromobili — “Atom”ni ishlab chiqarish uchun potensial maydon sifatida ko‘rib chiqmoqda. “TASS” axborot agentligi xabariga ko‘ra, ushbu masala bo‘yicha O‘zbekiston tomoni bilan muzokaralar allaqachon boshlangan.
-xesGLfdt.jpg)
Davlat organlari va korporativ hamkorlar bilan aloqalar bo‘yicha direktor Anatoliy Kiyashkoning ma’lum qilishicha, Rossiya prezidenti Vladimir Putin O‘zbekiston prezidenti Shavkat Mirziyoyev bilan uchrashuvda “Atom” avtomobilini ishlab chiqarish va “Kama” kompaniyasi ishlab chiqayotgan texnologiyalarni O‘zbekistonda qo‘llash imkoniyatini ko‘rib chiqish mumkinligini bildirgan.
Kompaniya Rossiya muhandislari tomonidan ishlab chiqilgan texnologiyalarni O‘zbekiston bilan bo‘lishishga tayyor. “Kama”, shuningdek, Xitoy va boshqa bir qator davlatlar bilan ishlab chiqarishni mahalliylashtirish masalasini muhokama qilmoqda.
“Atom” elektromobili ilk bor 2023-yil bahorida ommaga taqdim etilgan. Uning ommaviy ishlab chiqarilishi 2025-yilning ikkinchi yarmiga rejalashtirilgan. Elektromobil 77 kVt/soat sig‘imli akkumulyator batareyasi bilan jihozlanadi va u to‘liq zaryadda 500 kilometrgacha yuradi.
Texnik xususiyatlarga ko‘ra, “Atom” 100 km/soat tezlikka 8 soniyada erisha oladi. Elektromobilning boshlang‘ich narxi 2,9 million rublni (joriy kurs bo‘yicha taxminan 32,1 ming AQSH dollari) tashkil etishi kutilmoqda.
Izoh (0)