Angliyaning “Manchester Siti” klubi yozgi transfer oynasi yopilishiga qadar hujum chizig‘ini kuchaytirishni rejalashtirmoqda. Fichajes nashrining xabariga ko‘ra, “shaharliklar” Fransiyaning “Monako” jamoasida to‘p surayotgan 23 yoshli hujumkor yarim himoyachi Magnes Akliushni xarid qilish imkoniyatini ko‘rib chiqmoqda.
Hozirda “Siti” “Real” hujumchisi Rodrigo bilan muzokara olib bormoqda. Agar bu transfer amalga oshmasa, klub Akliush transferi bo‘yicha harakat boshlaydi. Futbolchiga Germaniyaning “Bayer” va Italiyaning “Inter” klublari ham qiziqish bildirgan. Biroq “Monako” talab qilayotgan summa sabab milanliklarni bu transferdan voz kechdi.
“Manchester Siti” tarkibidagi braziliyalik futbolchi Savinyo yaqin kunlarda “Tottenhem”ga o‘tishi kutilmoqda. Shuningdek, Jek Grilish ham “Everton”ga ijaraga beriladi. Bu o‘zgarishlar fonida bosh murabbiy Pep Gvardiola imkon qadar tezroq yangi futbolchi transferini amalga oshirishni istamoqda.
Fransuz nashrlariga ko‘ra, “Monako” Akliush uchun 70–80 million yevro atrofida talab qilmoqda. “Manchester Siti” bu summani to‘lashga tayyor ekani bildirgan.
- Magnes Akliush o‘tgan mavsum “Monako” safida 43 o‘yinda maydonga tushib, 7 ta gol va 13 ta golli uzatma muallifiga aylangan.
- Uning klub bilan amaldagi shartnomasi 2028-yil yoziga qadar mo‘ljallangan.
- Transfermarkt portali futbolchining hozirgi qiymatini 45 million yevroga baholagan.
Izoh (0)