2024-yilning yanvar-dekabr oylarida O‘zbekiston aholisining umumiy daromadlari 896,3 trillion so‘mni tashkil qildi. Bu haqida Statistika agentligi xabar berdi.
Iste’mol narxlarining o‘zgarishi sababli 2023-yilga nisbatan aholi umumiy daromadlarining real o‘sish sur’ati 108,1% ni tashkil etdi.
Aholining umumiy daromadlari nominal o‘sish sur’ati esa 118,5% ni tashkil qilgan.
Avvalroq Statistika agentligi 2024-yili 10 842 nafar o‘zbekistonlik xorijiy davlatlarga doimiy yashash uchun ko‘chib ketganini ma’lum qilgandi.
2024-yilda O‘zbekistondan chet elga ko‘chib ketganlarning asosiy qismi Qozog‘iston (8 792 kishi) va Rossiyaga (1 601 kishi) borgan. Shu bilan birga, mamlakatni tark etganlar ulushi Janubiy Koreya (96 kishi), Qirg‘iziston (73 kishi), Turkmaniston (39 kishi) va boshqa mamlakatlar (241 kishi) hissasiga to‘g‘ri kelgan.
Taqqoslash uchun, 2023-yilda xorijga doimiy yashash maqsadida ko‘chib ketgan o‘zbekistonliklar soni o‘tgan yildagidan sezilarli ko‘p (17 336 kishi) bo‘lgan. Jumladan, Qozog‘istonning o‘ziga 14 051 kishi, Rossiyaga 2 670 kishi ko‘chib ketgan.
Izoh (0)