Ўзбекистон Республикасининг доимий аҳолиси сони 37,5 млн кишини ташкил этмоқда.
Миллий статистика қўмитаси маълумотларига кўра, 2025 йил 1 январь ҳолатига кўра, Ўзбекистон Республикасининг доимий аҳолиси сони 37,5 млн кишини ташкил этди. Йиллар кесимида Ўзбекистоннинг доимий аҳолиси сони (1 январь ҳолатига):
- 1920 йил – 4,4 млн киши
- 1930 йил – 4,9 млн киши
- 1940 йил – 6,6 млн киши
- 1950 йил – 6,2 млн киши
- 1960 йил – 8,4 млн киши
- 1970 йил – 11,8 млн киши
- 1980 йил – 15,8 млн киши
- 1990 йил – 20,2 млн киши
- 2000 йил – 24,5 млн киши
- 2010 йил – 28,0 млн киши
- 2020 йил – 33,9 млн киши
- 2025 йил – 37,5 млн киши.
Бундан аввал Ўзбекистонда 2025 йилда неча киши вафот этиши мумкинлиги прогноз қилинганди.
Ўзбекистонда ўлимлар сони 2025 йилда 223,9 минг кишини ташкил этиши тахмин қилинмоқда.
Прогнозларига кўра, МДҲ мамлакатлари орасида энг кўп ўлим Россияда қайд этилади: 1,9 миллион киши. Ундан кейинги ўринларда Украина (520,2 минг киши), Қозоғистон (140,6 минг киши), Беларусь (119,1 минг киши), Озарбайжон (70,1 минг киши), Туркманистон (44,8 минг киши), Қирғизистон (44,1 минг киши), Молдова (42 минг киши) ва Арманистон (27,7 минг киши).
Макроминтақалар кесимида энг кўп ўлим Осиёда бўлиши кутилмоқда: 34,7 миллион киши. Иккинчи ўринда Африка (11,7 миллион киши), учинчи ўринда Европа (8,5 миллион киши) бўлади. Америкада 7,9 миллион, Океанияда эса 317,8 минг ўлим кутилмоқда.
Прогнозларга кўра, 2025 йилда 34,1 миллион нафар эркак ва 29,1 миллион нафар аёл вафот этади. Эркакларнинг тахминий ўлим кўрсаткичи аёлларга нисбатан 17,3 фоиздан ортиқ бўлмоқда.
Статистика агентлиги маълумотларига кўра, Ўзбекистонда ўртача умр кўриш давомийлиги 74,3 ёшни ташкил этади. Мамлакатда ўлим ҳолатларининг ярмидан кўпи қон айланиш тизими касалликлари сабаб юз бермоқда.
Изоҳ (0)