Qozog‘iston Milliy statistika byurosi 2025-yil 1-yanvar holatiga asosan mamlakat aholisi sonini e’lon qildi. Bu haqda Tengrinews xabar berdi.
Ma’lum qilinishicha, yil boshida Qozog‘istonda 20 286 084 kishi istiqomat qilgan. 2024-yilda qozog‘istonliklar soni 252 242 kishiga ko‘paygan. Respublikaning uchta shahri va to‘rtta viloyatida bir milliondan ortiq aholi yashaydi.
Aholi eng zich joylashgan hududlar Olmaota va Turkiston viloyatlari bo‘lib, ularda mos ravishda 2 292 333 va 2 154 334 kishi istiqomat qiladi. Nursultonda (1 528 887 kishi) va Olmaota viloyatida (1 560 377 kishi) 1,5 milliondan ortiq qozog‘istonlik istiqomat qiladi.
Shuningdek, Chimkent (1 256 263 kishi), Jambil (1 222 513 kishi) va Qorag‘anda (1 133 984 kishi) viloyatlari ham milliondan ortiq aholiga ega shaharlar va hududlar qatoriga kiradi.
Aholi sonining eng yuqori o‘sish sur’atlari Ostona shahrida kuzatilmoqda. Poytaxtda bu ko‘rsatkich 6,91 foizni tashkil etgan. Taqqoslash uchun Olmaota va Chimkentda bu ko‘rsatkichlar 2,86 va 2,80 foizni tashkil etgan. Shaharlarda 12 774 743 qozog‘istonlik yashaydi, qishloqlarda esa 7 511 341 kishi istiqomat qiladi.
Izoh (0)