Toshkent shahrining Yashnobod, Mirobod, Olmazor va Shayxontohur tumanlarining ayrim hududlarida tabiiy gaz taʼminoti vaqtincha to‘xtatiladi. Bu haqda “Hududgaz Poytaxt” GTF xabar berdi.
Maʼlum qilinishicha, Yashnobod tumani, Farg‘ona yo‘li ko‘chasidan o‘tuvchi o‘rta bosimli gaz quvuridagi gaz sizib chiqish holatini bartaraf etish maqsadida Yashnobod va Mirobod tumanlarining ayrim hududlarida 5-mart 12:00 dan 6-mart 08:00 gacha tabiiy gaz taʼminoti vaqtincha to‘xtatiladi.
Yashnobod tumani
- Aholi isteʼmolchilari: “Obisher” MFYdagi 16 ta ko‘p qavatli uy va 370 ta yerli xonadon, “Assalom sohil”dagi 20 ta ko‘p qavatli uy. “M. Ashrafiy” MFYdagi 120 ta yerli xonadon
- Ulgurji isteʼmolchilar soni: 35 ta
Mirobod tumani
- Aholi isteʼmolchilari: “Qorasuv” MFYdagi 38 ta ko‘p qavatli uy, “Tong yulduzi” MFYdagi 14 ta ko‘p qavatli uy va 125 ta yerli xonadon.
- Ulgurji isteʼmolchilar soni: 25 ta
Shuningdek, Mirobod tumanidagi “Oltinko‘l”, “Furqat” va “Yangi zamon” MFYlarida bosim pasayishi ehtimoli mavjud.
Bundan tashqari, taʼmirlash ishlari tufayli Olmazor va Shayxontohur tumanlarining ayrim hududlariga 5-mart kuni soat 10:30 dan 15:00 gacha tabiiy gaz yetkazib berish vaqtincha to‘xtatiladi.
Olmazor tumani
- Aholi isteʼmolchilari soni: “Hastimom” MFYdagi 135 ta yerli xonadon
- Ulgurji isteʼmolchilar soni: 1 ta
Shayxontohur tumani
- Aholi isteʼmolchilari soni: “Gulbozor” MFYdagi 80 ta yerli xonadon va 54 ta ko‘p qavatli uy
- Ulgurji isteʼmolchilar soni: 1 ta
Taʼmirlash ishlari tugatilgandan so‘ng, tabiiy gaz taʼminoti qayta tiklanadi.
Izoh (0)