Britaniyalik veterinar jarroh va “This Morning” ko‘rsatuvining doimiy mehmoni bo‘lgan doktor Skott Miller yangi tadqiqot o‘tkazdi. Unga ko‘ra, itlar dvigatelli mashinalardan ko‘ra elektr transport vositalarida sayohat qilganda o‘zlarini xotirjam his qilishi aniqlandi. Bu haqda Korrepondent.net xabar berdi.
Tajriba Škoda kompaniyasining “Crufts” nomli dunyodagi eng yirik itlar ko‘rgazmasiga homiyligini davom ettirishi munosabati bilan o‘tkazildi. Buning uchun Britaniyaning Surrey grafligidagi “Top Gear” shousining sobiq sinov trekidan foydalanildi
Tadqiqot uchun Mango laqabli bir yoshar koker spaniel iti tanlab olindi. Kuchuk turli yoqilg‘i turlari — elektr, dizel va benzin bilan ishlaydigan uch xil Škoda mashina modellarida soatiga 110 km/soatgacha tezlikda sayohat qildi. Bu vaqt davomida uning yurak urish tezligi kuzatib borildi. Har safarda itning xatti-harakati sinchkovlik bilan tahlil qilindi va yurak urishi tekshirilib, natijalar taqqoslandi.
Tinch holatda Mangoning yurak urishi bir daqiqada 80 zarba edi. “Elroq” elektromobilida yurish vaqtida ko‘rsatkich 100 zarbaga yetdi. Benzinli va dizelli avtomobillarda esa itning yurak urishi bir daqiqada mos ravishda 120 va 125 zarbani tashkil qildi. Bu esa stressning yuqori darajasini ifodalardi.
Shuningdek, elektromobilda Mango o‘zini erkin his qilar, ko‘pincha yotib olar va hatto harakat paytida deyarli uxlab qolardi. Benzinli va dizelli avtomobillarda itning holati tashvishli bo‘lgan.
Izoh (0)