Milliarder va AQSH hukumatining samaradorlik departamenti (DOGE) rahbari Ilon Mask Ukrainadagi urushni to‘xtatishga qaratilgan bir qator takliflar berdi. Bu haqda u X (sobiq Twitter) sahifasida yozdi.
Takliflardan biri “Ukraina armiyasining asosi” bo‘lgan Starlink sun’iy yo‘ldosh internet tizimini o‘chirish hisoblanadi. Mask tizimning o‘chirilishi Ukraina qurolli kuchlari front chizig‘ining inqiroziga olib kelishini aytmoqda. Hozirda Ukraina bo‘linmalari jangovar harakatlar zonasida aloqa uchun Starlink’dan foydalanmoqda. Bundan tashqari, milliarder ukrainalik oligarxlarga sanksiyalar joriy qilishga chaqirmoqda.
Ukrainaning eng yirik o‘n nafar oligarxiga, ayniqsa, Monakoda qasrlari bo‘lganlarga qarshi sanksiyalar kiriting va urush darhol to‘xtatiladi. Mana jumboqning kaliti, degan Mask.
Tadbirkor aynan qaysi oligarxlarga nisbatan cheklovlar joriy etilishi kerakligiga aniqlik kiritmagan. 2021-yilda AQSH ukrainalik tadbirkor Igor Kolomoyskiy va uning oilasiga qarshi sanksiyalar kiritdi. Kolomoyskiy 2014—2015-yillarda Ukrainaning Dnepropetrovsk viloyati gubernatori sifatida korrupsiyada ayblangan.
Bundan tashqari, Washington Mail manbalariga ko‘ra, 2025-yil fevral oyida AQSH Odessa meri Gennadiy Truxanovga qarshi sanksiyalar joriy etish imkoniyatini ko‘rib chiqayotgan edi. Amerika tomonining fikricha, mer Odessa jinoiy guruhi bilan aloqador, shuningdek, to‘rtta offshor kompaniyaning katta ulushiga ega.
Izoh (0)