Tashqi mehnat migratsiyasi agentligi o‘zbekistonliklar Germaniyaga ishga taklif qilinayotganini e’lon qildi.
Xabarda aytilishicha, maosh soatiga 12,8 yevrodan. Ish esa haftada 5 kun 8 soatdan. Nomzodlar uchun talablar:
- kamida 2 yillik kasb-hunar ta’limi diplomi;
- kamida 2 yillik ish tajribasi;
- 20-40 yosh oralig‘i;
- sudlanmagan va jismonan sog‘lom.
Dasturda ishtirok etish mumkin bo‘lgan kasblar:
- Elektronikachi – elektrotexnika va bino-inshootlar texnikasi
Elektrotexnika va bino-inshootlar texnikasi mutaxassisligining elektronikachilari bino va inshootlarning texnik qurilmalarini, shu jumladan elektr ta’minot, yoritish, sovitish, konditsioner va kuzatuv uskunalarini rejalashtirishadi va o‘rnatishadi. Kir yuvish mashinalarini, gaz plitalarini elektr tarmog‘iga ulashadi, bino(lar)ni boshqarish tizim(lar)i va axborot uzatish tarmoqlarini rejalashtirishadi va o‘rnatishadi, isitish, ventilyatsiya va konditsioner tizimlarining nazorat va boshqaruv uskunalarini dasturlashadi va sozlashadi. Bundan tashqari, ular antenna, qabul qilish va keng tasmali (polosali) aloqa uskunalarini o‘rnatishadi. Texnik xizmat ko‘rsatish ishlari doirasida ular bino-inshootlarning texnik tizimlarini tekshirishadi va, zarur bo‘lsa boshqatdan sozlashadi. Nosozliklar bo‘lsa, ular nosozlik sabablarini aniqlashadi va uskuna-tizimlarni ta’mirlaydi.
- Santexnika, isitish va konditsionerlar bo‘yicha mexanik
Santexnika, isitish va konditsionerlar bo‘yicha mexaniklar suv va havo ta’minoti tizimlarini o‘rnatishadi, rakovinalarni, dush kabinkalari, tualetlar va boshqa sanitariya inshootlarini o‘rnatishadi va tegishli tarmoqqa ulashadi. Shu jumladan barqaror ta’minot va chiqindilarni bartaraf etish tizimlari sifatida ular yomg‘ir suvi va texnik suvdan foydalanish tizimlarini o‘rnatishadi. Bundan tashqari ular isitish tizimlarini montaj qilishadi, isitish qozonlarini o‘rnatishadi va ishga tushirishadi. O‘z faoliyatida ular metall va plastik quvurlarga, tunuka va profillarga tegishli uskunalar yordamida yoki qo‘l bilan ishlov berishadi.
Qolaversa, ular kam energiya sarflaydigan va atrof-muhitni asraydigan tizimlarni, shu jumladan quyosh elektr tizimlarini, issiqlik nasoslari va yog‘och pelletli tizimlarni binolarda montaj qilishadi. Montajdan so‘ng ular uskunalar va tizimlar benuqson ishlayotganligini va optimal sozlanganligini tekshirishadi. Ular bino(lar)ni boshqarish tizimlarini, masalan Aqlli uy tizimlarini o‘rnatishadi va tegishli dasturiy ta’minotni, masalan ilovalarni qo‘llashadi. Ular mijozga maslahatlar berishadi, misol uchun tarmoq tarkibida bir-biri bilan ulangan tizim texnikasi bo‘yicha maslahatlar, va mijozga uskuna va tizimlardan qanday foydalanishni tushuntirib berishadi.
- Mexatronika - sovitish texnikasi
sovitish texnikasi bo‘yicha mexatronikachilar sovitish va konditsioner tizimlari uchun tegishli komponentlarni yig‘ishadi va tizimning butlovchi qismlarini ustaxonada oldindan montaj qilishadi. Bular qatoriga, masalan, mexanik, elektronik va elektrotexnik komponentlar kiradi. Mijoznikida ular bu tizimlarni o‘rnatishadi, quvurlarni yotqizishadi, ularni izolyatsiya materiallari bilan qoplashadi, elektr ulanish nuqtalarini o‘rnatishadi hamda nazorat va boshqaruv uskunalarini dasturlashadi. Montajdan so‘ng sovitish texnikasi bo‘yicha mexatronikachilar uskunalar va tizimlar benuqson va xavfsiz ishlayotganligini tekshirishadi, ularni ishga tushirishadi va mijozga uskunalarni va ulardan qanday foydalanishni tushuntirib berishadi. Bundan tashqari ular bu tizimlarning texnik xizmatini ko‘rsatishadi.
- Chilangar – qurilish texnologiyasi
Qurilish texnologiyasi mutaxassisligi bo‘yicha chilangarlar po‘lat yoki boshqa metallardan yasalgan naveslar, fasad elementlari, darvozalar, oyna romlari yoki panjaralarni ishlab chiqarishadi va o‘rnatishadi. Ko‘p holatlarda ular mijozning xohishiga asosan individual mahsulot ishlab chiqarishadi. Ular yengil metallar yoki po‘latga qo‘l bilan yoki uskunalar yordamida ishlov berganlarida, texnik chizmalarga asoslanib ishlashadi. Ular metall tunukalarni, quvurlar yoki profillarni maxsus belgilab, ularni kesishadi va shakllantirishadi. So‘ng ular alohida qismlarni payvandlashadi, zaklyopka qilishadi yoki bir biriga shurup-boltlar bilan qotirishadi. Bundan tashqari ular joyida montaj vaqtida ochib-yopish va xavfsizlik uskunalari qurib o‘rnatishadi, masalan mexanik, gidravlik va elektrik darvoza yoki quyoshdan himoya qilish tizimlari uchun motorlar. Qolaversa, ular o‘z mahsulotlarining texnik xizmatlarini qilishadi va ularni soz holatda saqlashadi.
- Bino-inshootlar quruvchisi – devor quruvchi
Devor qurish yo‘nalishi bo‘yicha bino-inshootlar quruvchilari devorlar, zinapoyalar yoki shaxtalar kabi devor qurilish ishlarini qilishadi. Buning uchun ular qorishma (rastvor) tayyorlashadi va devor qismlari bo‘lmish klinker, pishgan g‘isht yoki qum ohakli g‘ishtlarni bir-birining ustiga qo‘yib o‘rnatadi. Ular shift va devorlarni betonlashadi, oyna peremichkalari yoki zinalar kabi tayyor qismlarni montaj qilishadi va styajka qilishadi. Bundan tashqari ular issiqlik, sovuqlik, shovqin va yong‘indan himoya qiladigan izolyatsiya materiallarini montaj qilishadi, devorlar va shiftlarni suvashadi, masalan gipsokartondan devorlar qurishadi. Ular yangi bino-inshootlarni qurishda yoki eskilarini ta’mirlashda ishlashlari mumkin.
- Bino-inshootlar quruvchisi - beton va temir-beton ishlari
Beton va temir-beton ishlari bo‘yicha bino-inshootlar quruvchilari poydevor, ustunlar, rigellar, devorlar va shiftlar kabi komponentlarni qurishadi. Buning uchun kerak bo‘lgan qoliplarni (opalubkalar) va armaturalash ishlarini, ya’ni beton dars ketishini oldini olishga qaratilgan ishlarni ham o‘zlari qilishadi. Ular beton qorishmasini tayyorlashadi, uni suyuq shaklda qoliplarga quyishadi va zichlashadi. Beton qotganidan keyin ular qoliplarni olib qo‘yishadi va zarur bo‘lsa, beton sirtidagi nuqsonlarni bartaraf etishadi. Bundan tashqari ular tayyor beton qismlarini o‘rnatishadi va issiqlik, sovuqlik, shovqin va yong‘indan himoya qiladigan izolyatsiya materiallarini montaj qilishadi. Ular yangi bino-inshootlarni qurishda yoki eskilarini ta’mirlashda ishlashlari mumkin.
- Devor quruvchisi
Devor quruvchilar turar joy va noturar joy uchun mo‘ljallangan binolarning korobkasini (xom holatini) qurishadi. Ular avval betondan poydevor (fundament) quyishadi, keyin tashqi va ichki devorlarni g‘ishtdan terishadi yoki betondan quyishadi yoki tayyor qismlardan montaj qilishadi. Beton ishlari uchun ular qoliplar (opalubka) yasashadi yoki tayyor qolip tizimlarini o‘rnatishadi. Ular armaturalash ishlarini beton uchun mo‘ljallangan temirdan (armaturadan) qisman o‘zlari qilishadi. Ular beton tayyorlashadi yoki beton yuk mashinasida tayyor holatda keltirilgan betonni ishlatishadi. Suyuq betonni ular qoliplarga solishadi va zichlashadi.
Ular qisman devorlarni ham suvashadi, styajka yotqizishadi yoki izolyatsiya materiallarini montaj qilishadi. Bundan tashqari ular buzish va qayta qurish ishlarini bajarishadi. Ta’mirlash va sanatsiya ishlari doirasida ular strukturaviy shikastlarni va ularning sabablarini aniqlashadi va ularni bartaraf etishadi.
- Betonchi va temir-betonchi
Betonchi va temir-betonchilar beton va temir-beton qurilmalarni, masalan ko‘priklar, sexlar va ko‘p qavatli binolar uchun qurilmalarni qurishadi. Ular qoliplar (opalubka) va havozalarni montaj qilishadi va tayyorlashadi, beton darz ketishining oldini olishga mo‘ljallangan armaturalarni bukishadi va bir-biri bilan bog‘lashadi, armaturalarni qoliplarga o‘rnatishadi.
Ular beton qorishmalarini tayyorlashadi yoki beton yuk mashinasida tayyor keltirilgan betonni ishlatishadi. Suyuq betonni ular qoliplarga solishadi hamda trambovka qilib va silkitib zichlashadi. Beton qotganidan keyin qoliplarni olib qo‘yishadi va zarur bo‘lsa, beton sirtidagi nuqsonlarni bartaraf etishadi. Ular betondan yasalgan tayyor qismlarni montaj qilishadi, beton qurilmalarini germetizatsiya va izolyatsiya qilishadi. Bundan tashqari betondan yasalgan komponentlarning shikastlangan joylarini ta’mirlashadi.
- Pardozchi – duradgorlik ishlari
Duradgorlik ishlari bo‘yicha pardozchilar yog‘och konstruksiyalarni, misol uchun shiftlar, cherdaklar, sinch va yog‘och karkasli qurilmalar uchun yasashadi. Ular yog‘och balkalar va taxtalarni arralash va randalash uskunalari bilan, qisman qo‘lda ishlov berishadi. Qurilish maydonchasida ular tayyorlab qo‘yilgan qismlarni montaj qilishadi, eshiklar, darvozalar va yog‘och zinalarni o‘rnatishadi, devorlarga qoplamalar (obshivka) o‘rnatishadi, gipsokartondan komponentlar va ularning karkaslarini yasashadi, yog‘ochli sirtlarga ishlov berishadi va kerak bo‘lsa, issiqlik, shovqin va yong‘indan himoya qiladigan izolyatsiya materiallarini o‘rnatishadi. Bundan tashqari ular o‘lchovlar o‘tkazishadi - masalan, stropilalarning burchagi va og‘ishini tekshirish maqsadida va zarur bo‘lsa, kamchiliklarni to‘g‘rilash uchun kerakli ishlarini qilishadi. Ular yangi bino-inshootlarni qurishda yoki eskilarini ta’mirlashda ishlashlari mumkin.
- Tom yopuvchi
Tom yopuvchilar tom karkasi uchun yog‘och konstruksiyalarni yasashadi hamda tom va tom devorining maydonini profnastil, keramik cherepitsa, toshli cherepitsa, shindel (tom drankasi) yoki boshqa qoplama materiallar bilan yopishadi va qoplashadi. Ular tom va devor maydonlari, balkonlar va terassalar hamda qurilmalarda gidroizolyatsiya ishlarini amalga oshirishadi, tashqi devorlarni qoplamalar bilan qoplash uchun karkas yasashadi, qoplamalarni montaj qilishadi va binoning tashqi devorlariga osma fasad qoplama bilan shakl (dizayn) berishadi.
Qolaversa ular chaqmoqdan himoya qiluvchi qurilmalar, qorni ushlab qolish tizimlari, tarnovlar, tik quvurlar (stoyaklar), tom derazalari yoki yorug’lik gumbazlarini montaj qilishadi va quyoshli isitish va elektr uskunalarini, shu jumladan elektrik komponentlar va ulanish nuqtalarni tomlarda va fasadlarda o‘rnatishadi.
Bundan tashqari ular bino egalari va mulkdorlariga binoni energetik sanatsiya qilishda ko‘mak berishadi va tegishli choralarni o‘tkazishadi, masalan izolyatsiya qatlamlarini va bug‘ni izolyatsiya qilish elementlarini o‘rnatish. Qolaversa tomlarni yashillashtirish hamda tom va devor maydonlari hamda ularning tarkibiy qismlarining texnik xizmati va soz holatda saqlanishi tom yopuvchilarning vazifalari qatoriga kirishi mumkin.
- Yo‘l quruvchisi
Yo‘l quruvchilari asosiy va qo‘shimcha yo‘llarni, piyodalar va velosipedlar uchun yo‘llarni, piyodalar zonalarini hamda avtomagistrallar va aerodromlarni qurishadi. Qurilish maydoni chegaralari belgilanib to‘sib olinganidan keyin ular yer qazish ishlarini boshlashadi. Ular tuproqni olishadi, transportda tashishadi, tekislashadi va zichlashtirishadi. Bunda ular ekskavatorlar, zanjirli ekskavatorlar va katoklardan foydalanishadi. Zichlashtirilgan gruntga ular pastki qatlam sifatida odatda bir qator mayda tosh (sheben) va boshqa toshlar aralashmalarini yo‘yishadi. Oxirida beton-asfalt qoplamasi yo‘lning qatnov qismi sifatida yotqiziladi. Bundan tashqari yo‘l quruvchilari bruschatka yotqizish ishlarini qilishadi va yo‘l chetlarini mustahkamlashadi, qiyaliklarni hamda drenaj ariqlarini qurishadi. Yangi binolarni qurishdan tashqari, ular yo‘llar va ko‘chalarni ta'mirlash va saqlash ishlarini ham bajarishadi.
- Avtomexatronika – yengil avtomobil texnikasi
Yengil avtomobil texnikasi bo‘yicha avtomexatronikachilar avtomobillarning mexanik, elektronik, gidravlik va pnevmatik tizimlarni yoki uskunalarni soz holatda saqlashadi. Elektronik yoki kompyuterli o‘lchov va diagnostika uskunalari yordamida ular misol uchun uzatma agregatlari, radiatorlar, darajani boshqarish tizimlari va haydovchiga yordam beruvchi tizimlarni tekshirishadi va tahlil qilishadi. Ular qismlarni moylaydi, nosoz qismlarni almashtirishadi, uzatma tizimining qismlarini ta’mirlashadi yoki moylash materiallari, tormoz yoki gidravlika suyuqliklarini almashtirishadi. Qolaversa ular yo‘l harakat qoidalarining talablari bajarilishini nazorat qilishadi, test-drayvlar (avtomobilni sinov tariqasida minib ko‘rish) o‘tkazishadi va ishlab chiqarilgan gazlarni o‘lchashadi. Mijozning xohishiga binoan ular navigatsiya qurilmalari yoki qo‘llar ishlatilmaydigan aloqa uskunalari kabi qo‘shimcha qurilmalarni o‘rnatishadi. Bundan tashqari avtomexatronikachilar elektromobillar sohasida ham ishlashi mumkin.
O‘zbekistonliklar uchun Germaniyaga migratsiya masalasida bir qator yengilliklar ishlab chiqilmoqda. Germaniyada transport, muhandislik sohalarida ishlash istagida bo‘lgan fuqarolar ushbu davlat standartlari asosida Kambag‘allikni qisqartirish va bandlik hamda Transport vazirliklari qoshidagi kasbiy ta’lim muassasalarida germaniyalik mutaxassislar tomonidan til va kasbga o‘rgatiladi.
Izoh (1)
Qanday borsa boladi?