“Oyoqlar ostida yer yona boshladi”. Rossiya “Vagner” kuchlarini Amerika o‘ljasiga aylantirgan Xashamdagi jang

2018-yilining 7-fevral kuni “Vagner” kuchlari Suriya arab armiyasi hamda shia qurolli guruhlari bilan kurd jangarilari nazorat qilayotgan neft koniga hujum qildi. Tabiiyki, bunga kurdlarning asosiy ittifoqchisi hisoblangan AQSH jim qarab turmadi. Qolaversa, hududda amerikalik askarlar ham bor edi. Tun zulmati og‘ushida boshlangan jang bir necha soatda hujumchi tomonning to‘la yakson etilishi bilan yakunlandi. Ruslar va suriyaliklar bir necha yuz qurbon bergani aytiladi. Raqib tomonda birorta ham talafot bo֥‘lmadi. Maqolada Amerika harbiy mashinasining kuch-qudratini namoyon qilgan jang va RF Mudofaa vazirligi “Vagnerchi”larni qanday qilib “maxluq og‘ziga tashlab qo‘ygani” haqida so‘z boradi.