“Muhtasham yuz yil” seriali bejizga eng mashhur loyihalardan biriga aylanmadi, chunki uning ko‘lami hayratlanarli. Barcha sahnalar mayda-chuyda detallargacha o‘ylangan. Serialda dramatik epizodlar keragidan ortiq, shuning uchun qalblari jumbushga keltiruvchi va og‘riqli sahnalarni ajratib olish oson ish emas.
Ibrohim posho va Xadicha sulton o‘g‘lining vafoti
Xadicha sulton har doim eriga merosxo‘r hadya qilishni orzu qiladi va bu amalga oshgach, er-xotin farzandni taqdirning marhamati sifatida qabul qilishadi. Sultonning singlisi har doim o‘g‘lining yonida bo‘lib, uni balo-qazolardan asraydi, ammo baxtga qarshi, uning o‘limiga o‘zi sababchi bo‘ladi.
Rejissyor va ssenariy muallifi yuraklarni larzaga solish uchun bor mahoratlarini ishga solgan. Epizodda Xadicha sultonning chaqaloq Mehmedni emizib, alla aytib o‘tirganini ko‘ramiz, onaning o‘g‘li bilan birgaligini ko‘rib, ko‘ngilda allanechuk hislar uyg‘onadi va u charchab uxlab qoladi...
Uyg‘onganida esa bolasining o‘lganini ko‘radi — u ehtiyotsizlik qilib, bolanining kislorod yo‘lni to‘sib qo‘ygan. Onaning umidsiz faryodi odamning vujudini larzaga soladi, aktrisa Selma Ergechning mahorati naqadar kuchliligini yana bir karra ochib beradi.
2. Shahzoda Mustafoning qatl etilishi
Bu sahna shunchalik dramatik bo‘lganki, hatto butun suratga olish guruhi yig‘lagan. Ha, hatto loyiha asoschisi Timur Savji ham ko‘z yoshlarini tiya olmaydi. Epizodni bir necha marta suratga olishga to‘g‘ri keladi, chunki uni ijro etish juda qiyin edi.
Shahzoda Mustafo otasining buyrug‘i bilan jallodlar qo‘lida halok bo‘ladi. Sulton Sulaymon hokimiyat uchun o‘z farzandini qurbon qiladi va Mustafo bo‘g‘ib o‘ldirilgandan so‘ng, o‘g‘lining murdasini bag‘riga bosib, allalaydi.
3. Kichkina Jahongir operatsiyasi
Deyarli barcha yurakni ezuvchi sahnalar aynan bolalarga tegishli, chunki ularning iztiroblarini ko‘rish, ayniqsa og‘ir. Mustafoning o‘limi haqidagi xabardan so‘ng aqldan ozgan Jahongirning o‘limi dahshatli bo‘lsa-da, bola hali go‘dakligida o‘tkazishga qaror qilingan operatsiyani ko‘rish undan ham dahshatliroq va og‘irroq edi.
Afsuski, Jahongirning sog‘lig‘ida muammolar bor edi: dahshatli og‘riqlar uni uxlashga qo‘ymasdi, bukrisi ham kattalashib borardi.
Shu sababli shifokorlar Xurram qarshi chiqqan, ammo Sulton Sulaymon rozi bo‘lgan operatsiyani talab qilishadi. O‘sha paytda hukmdor bolaning qanchalik azob chekishini hatto tasavvur ham qilolmasdi, chunki nuqsonni tuzatish uchun bolani turli tomonlarga tortqilashardi. Uning faryodi shu qadar kuchli ediki, Sulaymon chidab turolmay, o‘g‘li Mustafoning ro‘parasida hushidan ketib yiqiladi.
4. Ibrohim poshoning qatl etilishi
Ibrohim posho qanday qahramon bo‘lishidan qat’i nazar, tomoshabinlar uni iliqlik bilan qarshilashdi. Vazirining takabburligidan charchagan hukmdor uni qatl qilishga buyruq beradi. Erkakning ipak arqon bilan bo‘g‘ib o‘ldirilishi sahnasini ko‘rish qiyin, bu ko‘p jihatdan qahramonning o‘layotgan hayqiriqlari tufayli.
Ibrohim poshshoning jonsiz tanasi solingan tobutni shundoq ham so‘nggi kuchini yig‘ib turgan Xadicha sulton saroyiga jo‘natishadi. Erining o‘limi uning uchun og‘riqli zarba bo‘ladi va Selma Ergech mahorat bilan o‘ynagan ayriliq sahnasini ko‘z yoshisiz tomosha qilishning iloji yo‘q.
5. Balibeyning qatlga yuborilish sahnasi
Vaqtni cho‘zish va vaziyatni keskinlashtirishda turklarga teng keladigani yo‘q, shuning uchun tomoshabinlar nafaslarini ichlariga yutib, Balibeyning taqdiri qil ustida turganini tomosha qilishdi.
Buning sababi qahramonning shahzoda Mustafoga yoqqan qizga nisbatan taqiqlangan muhabbati edi. Bundan xabardor Xurram bu qulay imkoniyatdan o‘z manfaati yo‘lida foydalanadi, chunki raqibasi o‘g‘lining Oybige bilan bo‘lishi mumkin bo‘lgan nikohi otasining vafotidan so‘ng uning taxtga yo‘llanmasi bo‘lardi. So‘nggi lahzada shahzoda doimo unga sodiq bo‘lgan va yelkasini tutishga tayyor turgan jangchini afv etib, qatl hukmini bekor qilishga qaror qiladi.
6. Boyazidning farzandlari bilan vafoti
Hokimiyat uchun kurashning naqadar shafqatsizligini yana bir bor isbotlovchi og‘ir sahna. Shahzoda Salim nafaqat shahzoda Boyazid timsolida, balki uning o‘g‘illari timsolida ham raqibidan qutulishga yordam beradigan qaror qabul qiladi. Boyazid va uning to‘rt o‘g‘li tiz cho‘kib, o‘z qismatini kutayotgan lahza yurakni ezadi.
7. Xurram sulton o‘limi
Serialda har doim o‘zini ideal tutgan va vijdonan ish tutgan qahramonlar yo‘q. Ammo rejissyor va ssenariy mualliflari Sulton Sulaymonning sevgan ayoli bilan vidolashuv sahnasini, erkakning tushkunligi va uning o‘limidan so‘ng tom ma’noda qotib qolgan dunyoni qanchalik uyg‘un va to‘g‘ri ko‘rsatib berolganlari tahsinga sazovor.
Izoh (0)