Qiziqarli va tarixiy voqealarga boy syujeti bilan butun dunyoga tanilgan “Muhtasham yuz yil” seriali 155 ta qismdan iborat. Serial muvaffaqiyatli bo‘lishiga qaramay, hamma ham uni ko‘rishga uzoq vaqt ajrata olmaydi.
Agar siz hali ham Sulaymon va uning kanizaklari haqidagi hikoyani tomosha qilishni tugatmagan bo‘lsangiz, quyida qisqa, ammo qiziqarli turk seriallarini tavsiya qilamiz.
“Har yerdasiz” (2019)
Janr: romantik komediya
Qismlar soni: 23
Rollarda: Furkan Andich, Aybuke Pusat, Aslixan Malbora
Syujet: Go‘zal Selin va muvaffaqiyatli karyera qurgan Demir qonuniy ravishda bir uyni xarid qilgan bo‘lib chiqadi. Bunga ikki keksa opa-singillar sababchi bo‘ladi. Ular umumiy mulki bo‘lgan uyini bir-biriga bildirmay, ikki xaridorga sotib yuboradi. Ularni sudga bermasligi uchun ikki yoshni birlashtirishga harakat qiladi.
“Yonarqo‘ng‘iz” (2017)
Janr: melodrama, komediya
Qismlar soni: 17
Rollarda: Sechkin Ozdemir, Nilay Deniz, Seda Gyuven
Syujet: Filmda Barish ismli muvaffaqiyatli va sevgiga unchalik qiziqmaydigan ajrimlar bo‘yicha advokat bilan quvnoq Asli ismli qizning tanishuvi hikoya qilinadi. Asli oilasiga yordam berish uchun taksi haydovchisi bo‘lib ishlashga majbur. Ammo ular uchrashgandan keyin ikkalasining ham hayoti o‘zgaradi.
“Shunchaki tabassum qiling” (2018)
Janr: romantik drama
Qismlar soni: 24
Rollarda: Asli Bekiro‘g‘lu, Pomir Pekin, Yilmaz Kunt
Syujet: Film ayriliq azobini to‘y kunining o‘zida boshidan o‘tkazgan Yosamin va o‘z his-tuyg‘ularini tartibga solishga urinayotgan Sarp haqida. Avvaliga u bir qizni sevib qoladi, lekin tez orada uning haqiqiy his-tuyg‘ulari boshqa qiz bilan bog‘liq ekanini tushunadi. Bu yerda sevgi va do‘stlik rishtalari o‘zaro chambarchas bog‘lanib, xilma-xil tuyg‘ularning murakkab naqshini yaratadi.
Qulupnay hidi (2015)
Janr: romantik komediya
Qismlar soni: 23
Rollarda: Demet Ozdemir, Yusuf Chim, Ekin Mert Daymaz
Syujet: Mazkur filmda Demet O‘zdemir rassom bo‘lishni orzu qilgan qandolatchi Asli rolini o‘ynaydi. Qizning butun orzulari chappasiga ketayotgan bir paytda taqdir uni badavlat Burak bilan tasodifan to‘qnashtiradi. Aslining ishdan haydalishida esa uning aybi bor. Shunday qilib, kulgili voqealar yoshlarni yanada yaqinlashtira boshlaydi.
“Kurt Seyit va Aleksandra” (2014)
Janr: tarixiy drama
Qismlar soni: 21
Rollarda: Kivanch Tatlitug, Farah Zeynep Abdulla, Elchin Sangu
Syujet: Tasvirga olish ishlari nafaqat Turkiyada, balki Rossiyada ham bo‘lib o‘tgan taniqli tarixiy loyihada taqiqlangan sevgi mavzusi yana syujet markazida bo‘ladi. “Kurt Seyit va Aleksandra” — taniqli turk yozuvchisi Nermin Bezmenning “Kurt Seyit va Shura” romani asosida ishlangan bo‘lib, serial XX asr boshlarida sodir bo‘lgan real voqealarga asoslangan. Unda bosh qahramonlar Rossiya imperiyasining qulashi hamda Oktyabr inqilobidan omon qolishadi. Fojialar, ko‘plab yo‘qotishlar, shafqatsiz umidsizliklarga to‘la tarixiy voqealar bilan birga chor armiyasining sobiq ofitseri leytenant Kurt Seyit va aristokratlar oilasidan bo‘lgan o‘n olti yoshli Shura o‘rtasidagi sevgi haqida ham hikoya qilinadi.
Izoh (0)