“Muhtasham yuz yil” seriali 139 qismdan iborat, har bir epizod kamida 90 daqiqa davom etadi. Shuning uchun Sulton Sulaymon haqidagi tarixiy hikoyadan to‘liq bahramand bo‘lish uchun tomoshabinlar uzoq sabr qilishlari kerak bo‘ladi.
Turk seriallarining o‘ziga xos xususiyatlaridan biri — dizi xronometrajining uzun ekanligida. So‘nggi yillarda rejissyorlar tomonidan taklif etilayotgan mini seriallar dizi olami uchun yangilik hisoblanadi. Bundan avval mualliflar faqatgina davomiyligi uzoq bo‘lgan seriallarni suratga olishni afzal ko‘rgan. Ular orasida rekordchilar ham bor.
Turk kinosidagi eng uzun serial
“Elif” seriali (2014–2019) turk seriallari orasida epizodlar soni bo‘yicha rekordchi hisoblanadi. U har biri 60 daqiqa davom etadigan 650 ta epizodni o‘z ichiga oladi. Ya’ni, mazkur serialni uzluksiz ravishda tomosha qilish uchun 27 kun sarf etiladi.
“Elif” seriali 6 yoshli qizchaning hayoti haqida hikoya qiladi, uning taqdiri atrofdagi ko‘plab kattalarning qaroriga bog‘liq bo‘ladi. Syujetga ko‘ra, Elifning o‘gay otasi qimor o‘yinlaridan qarzini to‘lash uchun yosh qizni sotishni rejalashtiradi. Elifning onasi esa uning talablarini bajarishni istamaydi, shuning uchun u qizini dugonasiga topshirib, uydan qochib ketadi. So‘ng ona badavlat xonadonda xizmatkor bo‘lib ishlaydi va qizi mazkur uyda doimiy uning nazorati ostida bo‘lish uchun xonadon egalari bilan kelishadi. Aslida, bu oilaning to‘ng‘ich farzandi Elifning biologik otasi bo‘ladi.
“Ismini sen qo‘y” (“Adini sen koy”) nomli serial ham “Elif” kabi epizodlari ko‘pligi bilan ajralib turadi. Serialda shaxsiy maqsadlar uchun soxta nikoh qurgan er-xotinning bir-birini chindan yaxshi ko‘rib qolishi tasvirlanadi. Serial 397 ta qismdan iborat.
Turk seriallari hiti bo‘lgan “Beqaror” loyihasi esa ekranda uch yil davomida namoyish etilgan. Shu vaqt ichida serialning 206 ta epizodi chiqdi.
Izoh (1)
"Kurtlar Vadisi"bir chekkada segaret chekib o'tiribdimi?