Jizzaxda fuqaro M.I.ning murojaatiga asosan tezkor tadbir o‘tkazildi, deb xabar berdi Bosh prokuratura matbuot xizmati.
Maʼlum qilinishicha, Sharof Rashidov tumani, “Kuyovboshi” mahallasida joylashgan davlat dasturi asosida meva-sabzavot mahsulotlarini qayta ishlash bo‘yicha 6 ta ish o‘rni yaratish va 450 mln so‘m investitsiya kiritish sharti bilan “O.Q.M” MCHJga ajratilgan.
Fuqaro Z.T. 0,50 gektar bo‘sh yer maydonining 0,30 gektar qismini 705 mln so‘mga sotishga kelishib, oldindan 500 mln so‘mini olayotgan vaqtida ushlangan.
Mazkur holat yuzasidan Jinoyat kodeksining 25,168-moddasi 4-qismi “a” bandi (firibgarlik juda ko‘p miqdorda) bilan jinoyat ishi qo‘zg‘atilib, tergov harakatlari olib borishga kirishilgan.
Yer sotish holatlari
Avvalroq Toshkentda Davlat kadastrlar palatasi tuman filiali boshlig‘i 25 ming dollar olayotganida ushlangandi. Shuningdek, Navoiy, Namangan va Andijon viloyatlarida noqonuniy yo‘llar bilan yer maydonlari olib berishni vaʼda qilgan shaxslar qo‘lga olingan.
Izoh (0)