Toshkent shahrida oziq-ovqat do‘koni, Farg‘ona viloyatida esa “aqlli bekat” ochish uchun yordam berishni vaʼda qilgan shaxslar ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Maʼlum qilinishicha, Sergelida fuqaro A.A. fuqaro K.ning ishonchiga kirib, unga go‘yoki yuqori lavozimda ishlovchi tanishlari orqali Toshkent xalqaro aeroporti hududidan oziq-ovqat do‘koni ochishi uchun joy olib berishni vaʼda qilgan.
Buning evaziga 5 ming dollarni firibgarlik yo‘li bilan olgan vaqtida ushlangan.
Shuningdek, Beshariq tumani Yo‘llardan foydalanish davlat muassasasida bo‘lim boshlig‘i A.K. fuqaro X.Yu.ning ishonchiga kirib, unga muassasa ixtiyoridagi “Yangi mahalla” MFY hududidagi avtobekat o‘rnida “aqlli bekat” qurishi uchun tegishli hujjatlarni rasmiylashtirib berishni vaʼda qilgan.
Buning evaziga 1 500 dollar olgan vaqtida ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)