Dushanba, 27-yanvar kuni Portugaliya terma jamoasi hujumchisi Krishtianu Ronaldu sevgilisi Jorjina Rodrigesning tug‘ilgan kunini nishonladi. U 31 yoshga to‘ldi.
“An-Nassr” hujumchisi Instagram sahifasida post joylab, farzandlarining onasini tabrikladi:
“Ona, do‘st, sevgilim, mening rafiqam. Tug‘ilgan kuning bilan, azizam.
Sening nuring bizni yoritadi, sevging esa bizni ilhomlantiradi”, deb yozdi Krishtianu.
Jorjinaga ushbu postdan tashqari, yurak shaklida terilgan ulkan atirgul guldastasi va ustida “tug‘ilgan kuning bilan, Jorjina” deb yozilgan tort sovg‘a qilindi.
Juftlik 2016-yildan beri uchrashib keladi. Ko‘pchilik ular yashirincha turmush qurganiga ishonadi.
Avvalroq juftlik Dubaydan 25 million yevroga yer sotib olgani xabar qilingandi. Jorjina va Ronaldu 5 farzandni tarbiya qilib kelmoqda.
Izoh (0)