Yer talon-toroji bilan bog‘liq jinoyat fosh etildi, deb xabar berdi Bosh prokuratura matbuot xizmati.
Ma’lum qilinishicha, fuqaro K.X.ning murojaatiga asosan tezkor tadbir o‘tkazildi. Fuqaro M.A. va S.S.lar Xatirchi tumani “Madaniyat” mahallasi hududida joylashgan “Ya.D.” fermer xo‘jaligiga 49 yil muddatga ijaraga huquqi asosida ajratilgan 33 gektar sug‘oriladigan ekin yer maydonining 11,5 gektar qismini 32 ming dollarga sotishga kelishgan.
Ular kelishilgan puldan 24 ming dollar va 102,8 mln so‘m olayotgan vaqtda ushlangan.
Holat yuzasidan Jinoyat kodeksining 168-moddasi 4-qismi “a” bandi (firibgarlik juda ko‘p miqdorda) bilan jinoyat ishi qo‘zg‘atilgan. Hozirda dastlabki tergov harakatlari o‘tkazilmoqda.
Yer sotish holatlari
Avvalroq Toshkentda Davlat kadastrlar palatasi tuman filiali boshlig‘i 25 ming dollar olayotganida ushlangandi. Shuningdek, Navoiy, Namangan va Andijon viloyatlarida noqonuniy yo‘llar bilan yer maydonlari olib berishni vaʼda qilgan shaxslar qo‘lga olingan.
Izoh (0)