Sevimli filmlar shunisi bilan yaxshiki, ularni qayta ko‘rish va har safar yangi narsalarni payqash mumkin.
O‘zgarib turuvchi narsalar
Sehrli tayoqchalar do‘koniga ilk bor kirib kelgan Garrining chandig‘i bir necha daqiqaga yo‘qoladi. “Xogvarst-ekspress” kupesida Potterni uchratgan Ronning soch turmagi ham muttasil o‘zgarib turadi.
Dadli Durslning shortilari ham yerosti o‘tish joyida dementorlarni uchratganda o‘zgaradi.
Germionaning sehrli sochlari
Har bir yangi filmda Germiona yoz davomida juda o‘zgarib ketadi. Rouling kitobida uni qalin sochli qiz sifatida tasvirlaydi. To‘rtinchi kitobda qizning sochi odatda qarg‘a uyasiga o‘xshash paxmoq ekani aytiladi.
Birinchi filmda kitobiy obrazga yaqin obrazni ko‘ramiz. “Garri Potter va Azkaban asiri” filmida esa Germionaning sochi kaltaroq va jingalak. Franshizaning finalida esa uning soch turmagi yengil jingalak qilingan, bunday turmak uchun ayollarga bir necha soat kerak bo‘ladi. Voqea o‘rmonda sodir bo‘layotgan bo‘lsa-yu, sehrgar qiz o‘zi bilan soch dazmolini olib yurmagan bo‘lsa kerak.
O‘zgaruvchan yostiq
“Garri Potter va ajal tuhfalari” kartinasining ikkinchi qismida goblin orqasidagi yostiq vaqti-vaqti bilan o‘rnini o‘zgartirib turadi. Bir ko‘rishda bunga e’tibor bermaysiz, ammo ba’zi muxlislar bu g‘ashga tegadigan detalni payqashdi.
Sirli egizaklar
“Garri Potter va tilsim shahzoda” filmining bir nechta sahnalarida egizak qizlarni ko‘rish mumkin. Ular yashil ko‘ylak kiygan —bu ularning Slizeringa tegishli ekanligini ko‘rsatadi. Lekin nima uchun bu ikkinchi darajali personajlar kiritilgan?
Ular Gestiya bilan Flora Kerrou bo‘lib, egizaklar syujet uchun muhim: o‘t ustida o‘tirgan qizlarga qarab, Garri ikkita g‘oyib bo‘lgan shkaf borligini tushunadi. Ammo film ijodkorlari bu sahnani kesib tashlab, muhim syujetni uzib qo‘yishadi.
Ko‘chib yuradigan sochiq
“Garri Potter”dagi ko‘plab narsalar o‘z hayoti bilan yashaydi. Garri “Hope” mehmonxonasida o‘tirar ekan, uning o‘ng tomonidagi divanda jigarrang sochiq, ehtimol, choyshabni ko‘rish mumkin. Keyingi kadrda buyum qahramonning orqasida o‘tib qoladi.
Aslzoda Bleklarning uyi Londonning magllar mahallasida joylashgan
Bleklar oilasi o‘zining toza qonligi va oddiy odamlarga nafrat bilan qarashi bilan doim faxrlanib kelgan. Xo‘sh, nima uchun ularning yer-mulklari Londonning magllar mahallasida, yana oddiy odamlarning uylari o‘rtasida joylashgan? Bu binoga joylashib olgan Bleklarning bobosi qon tozaligiga unchalik e’tibor bermaganmi yoki London markazida yashash istagi bu xurofotlardan ustun kelganmi?
Unutilgan Chjou Chang
Chjou Chang — Garri Potterning yoqtirgan qizi, keyinchalik bu qahramon ssenariychilar tomonidan unutilgan. Garri qizni balga taklif qilgan sahnani eslaysizmi? Keyinroq ma’lum bo‘lishicha, unga ham Garri yoqib qoladi, ammo Chjou Ambrijga sehr-jodu o‘rgatilayotgan xona sirini oshkor qiladi. Shubhasiz, qiz bunga majbur bo‘lgan, ammo Garri film oxirigacha sevgilisini butunlay e’tiborsiz qoldiradi.
Chjou Veritaserumning ta’siri ostida haqiqatni oshkor qildi — u Ambrijning qurboni. Shunday bo‘lsa-da, Garri u bilan hatto gaplashmadi ham, ilgari esa qizga nisbatan his-tuyg‘ulari haddan tashqari kuchli edi.
Izoh (0)