Navoiy viloyatining Xatirchi tumanida 20 sotix yer maydonini sotmoqchi bo‘lgan shaxs ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Ma’lum qilinishicha, fuqaro I.Q. fuqaro U.N.ning ishonchiga kirib, unga Xatirchi tumani, “Tamabaxrin” MFY hududidagi davlat zaxirasidagi 20 sotix yer maydonini go‘yoki o‘ziga tegishli ekanligini aytgan. U yer maydonini 360 mln so‘mga sotgan vaqtida ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Yer sotish holatlari
Avvalroq Toshkentda Davlat kadastrlar palatasi tuman filiali boshlig‘i 25 ming dollar olayotganida ushlangandi. Shuningdek, Navoiy, Namangan va Andijon viloyatlarida noqonuniy yo‘llar bilan yer maydonlari olib berishni vaʼda qilgan shaxslar qo‘lga olingan.
Izoh (0)