Xitoyda Xuan Pin ismli erkak 220 ming dollar evaziga uyi buzilishiga qarshilik qildi. Endilikda uning uyi atrofida avtomagistral qurilmoqda. Bu haqda MSN xabar berdi.
-V2LBoCNU.jpg)
Erkakka katta miqdorda tovon puli va ko‘chish uchun joy tanlash huquqini taklif qilishsa-da, u qat’iyan rad etgan. Quruvchilar vaziyatdan chiqish yo‘lini topgan va murosasiz uy egasining yer maydonini aylanib o‘tib, yo‘l qurishga kirishgan.
Ishchilar va ma’muriyat uy egasi bilan uzoq vaqt muzokaralar olib borgan, biroq u taklif qilingan shartlarga ko‘nmagan. Mavjud ma’lumotlarga ko‘ra, u kompensatsiya sifatida 220 ming dollardan ortiq pul olishi mumkin edi. Bundan tashqari, erkakka ko‘chib o‘tishi mumkin bo‘lgan uchta turar joy variantini tanlash imkoniyati berilgan. Ammo Xuan Pin bu variantlarning birortasi ham uni qoniqtirmasligini aytgan.
Agar vaqtni orqaga qaytara olganimda, ular taklif qilgan buzish shartlariga rozi bo‘lardim. Hozir o‘zimni katta garovni boy berganday his qilyapman. Bundan biroz afsuslanayapman, deydi u.
Ishchilar Xuan Pinning yer maydonini chetlab o‘tib, avtomagistral qurmoqda. Uyni baland devorlar o‘rab turibdi, quruvchilar binoni yo‘ldan ajratish uchun shunday yechim topgan. Yo‘l qurilishi ishlari hali tugallanmagan, shu bois Xuan Pin har kuni qurilish materiallari va chiqindi uyumlari bilan yashashga majbur bo‘lmoqda.
Erkak har kuni 11 yoshli nabirasini shahar markaziga olib boradi, u yerda ular kun bo‘yi vaqt o‘tkazadi va uyga faqat kechqurun, quruvchilar ketgandan keyingina qaytadi, deb xabar bermoqda The Sun.
Avtomagistral transport harakatiga ochilgach, uyda yanada shovqin ko‘payishi erkakni tashvishga solmoqda. Bundan tashqari, uyning devorlari vaqti-vaqti bilan tebranmoqda. Avtomagistralni joriy yilning bahorida ishga tushirish rejalashtirilgan.
Izoh (0)