Xorazmda fuqaro B.T.ning murojaatiga asosan tezkor tadbir o‘tkazildi. Bu haqda Bosh prokuratura matbuot xizmati xabar berdi.
Ma’lum qilinishicha, fuqaro I.B. va boshqalar Shovot tumani hududida joylashgan hokimiyat zaxirasidagi 10 gektar ekin yer maydonini go‘yoki o‘zlariga tegishli ekaniga ishontirib, kelgusi yilda sholi ekin mahsulotini ekib yerdan foydalanishi uchun 250 mln so‘mga sotishga kelishgan.
Ular oldindan 6 700 dollar va 3,8 mln so‘m pullarni olayotgan vaqtda ushlangan.
Mazkur holat yuzasidan Jinoyat kodeksining 168-moddasi 4-qismi “a” bandi (firibgarlik juda ko‘p miqdorda) bilan jinoyat ishi qo‘zg‘atilgan.
Dastlabki tergov harakatlari o‘tkazilmoqda.
Yer sotish holatlari
Avvalroq Toshkentda Davlat kadastrlar palatasi tuman filiali boshlig‘i 25 ming dollar olayotganida ushlangandi. Shuningdek, Navoiy, Namangan va Andijon viloyatlarida noqonuniy yo‘llar bilan yer maydonlari olib berishni vaʼda qilgan shaxslar qo‘lga olingan.
Izoh (0)