Jeyms Kemeronning 1997-yilda suratga olingan afsonaviy filmida birga suratga tushgan Leonardo Di Kaprio va Keyt Uinslet salkam 27 yil o‘tgach sahnada yana birlashdi. Aktyorlar karyerasi davomida doimo do‘stona munosabatlarni saqlab qolgan.
Joriy yil 19-noyabr kuni aktrisa Los Anjelesdagi Harmony Gold kinoteatrida yangi “Li” filmi taqdimot marosimiga tashrif buyurdi. Premyerada o‘zining uzoq yillik do‘stini qo‘llab quvvatlash uchun 50 yoshli aktyor va kino prodyuseri Di Kaprio ham ishtirok etdi va “Li” filmi premyerasi boshlanishidan avval Keyn Uinsletni sahnaga taklif etdi.
X ijtimoiy tarmog‘ida aktyor hamkasbi haqida iliq fikrlar bildirgan videoni joylashtirdi. U Uinsletni faxr bilan mehmonlarga tanishtirar ekan, aktrisani 90-yillarning eng iste’dodli yulduzlaridan biri ekanini ta’kidladi:
“Keyt, aziz do‘stim. Mazkur filmdagi ishingizni ko‘rib sizni o‘z kasbining professionali ekanligingizga yana bir bor amin bo‘ldim. Aktrisa sifatida siz doim tomoshabinlarni hayratda qoldirishda davom etmoqdasiz. Men sizning kuchingiz, kasbga sadoqatingiz, iste’dodingiz va siz yaratgan har bir loyihaga bo‘lgan ishtiyoqingizga har vaqt lol qolganman. Siz bizning yoshimizdagi eng buyuk iste’dodlaridan biri, doimo betakror bo‘lib qoladigan Keyt Uinslet bo‘lasiz”, dedi Di Kaprio.
So‘ng yulduzlar esdalik uchun birgalikda suratga tushdi. Leo hamkasbining muvaffaqiyatidan chin dildan xursand edi. Aktyor so‘nggi marta 2023-yilda “Gulli oy qotillari” filmining premyerasida ishtirok etgan edi.
“Li” filmida Keyt Uinslet Ikkinchi jahon urushi fotojurnalisti Li Miller rolini ijro etadi.
Izoh (0)