Жеймс Кемероннинг 1997 йилда суратга олинган афсонавий фильмида бирга суратга тушган Леонардо Ди Каприо ва Кейт Уинслет салкам 27 йил ўтгач саҳнада яна бирлашди. Актёрлар карьераси давомида доимо дўстона муносабатларни сақлаб қолган.
Жорий йил 19 ноябрь куни актриса Лос Анжелесдаги Harmony Голд кинотеатрида янги “Ли” фильми тақдимот маросимига ташриф буюрди. Премьерада ўзининг узоқ йиллик дўстини қўллаб қувватлаш учун 50 ёшли актёр ва кино продюсери Ди Каприо ҳам иштирок этди ва “Ли” фильми премьераси бошланишидан аввал Кейн Уинслетни саҳнага таклиф этди.
Х ижтимоий тармоғида актёр ҳамкасби ҳақида илиқ фикрлар билдирган видеони жойлаштирди. У Уинслетни фахр билан меҳмонларга таништирар экан, актрисани 90 йилларнинг энг истеъдодли юлдузларидан бири эканини таъкидлади:
“Кейт, азиз дўстим. Мазкур фильмдаги ишингизни кўриб сизни ўз касбининг профессионали эканлигингизга яна бир бор амин бўлдим. Актриса сифатида сиз доим томошабинларни ҳайратда қолдиришда давом этмоқдасиз. Мен сизнинг кучингиз, касбга садоқатингиз, истеъдодингиз ва сиз яратган ҳар бир лойиҳага бўлган иштиёқингизга ҳар вақт лол қолганман. Сиз бизнинг ёшимиздаги энг буюк истеъдодларидан бири, доимо бетакрор бўлиб қоладиган Кейт Уинслет бўласиз”, деди Ди Каприо.
Сўнг юлдузлар эсдалик учун биргаликда суратга тушди. Лео ҳамкасбининг муваффақиятидан чин дилдан хурсанд эди. Актёр сўнгги марта 2023 йилда “Гулли ой қотиллари” фильмининг премьерасида иштирок этган эди.
“Ли” фильмида Кейт Уинслет Иккинчи жаҳон уруши фотожурналисти Ли Миллер ролини ижро этади.
Изоҳ (0)