“Titanik” filmi rejissori Jeyms Kemeron Kanadaning The Toronto Sun nashriga bergan intervyusida olib borgan maxsus ilmiy izlanish haqida gapirib berdi. Uning maqsadi Jekning (Leonardo Di Kaprio) o‘limi muqarrar ekani va u kema halokatga uchraganda Rouz (Keyt Uinslet) bilan bir eshik parchasiga sig‘masligini isbotlash edi, deb yozadi “Film.ru”.
“Biz mutaxassis bilan har tomonlama filmdagi qahramonlarning sovuq suvda qoladigan sahnasini tahlil qildik. Buning uchun vazni Keyt va Leo bilan bir xil bo‘lgan ikkita kaskadyordan foydalandik, ularning atrofiga datchiklar o‘rnatdik, muzli suvga tushirdik, ularning omon qolish-qolmasligini sinab ko‘rdik va natija shunday bo‘ldi: ikkalasi ham uddalay olmadi. Ushbu vaziyatda faqat ularning biri omon qolishi mumkin”.
O‘tkazilgan ekspertiza videosi film chiqqanining 25 yilligi munosabati bilan “Titanik”ning yangi 4K restavratsiya nashriga kiritiladi.
Shuningdek, Kemeron Jek filmda o‘lishi kerakligini ham ta’kidlab o‘tdi: “Romeo va Julyettadagi kabi. Bu sevgi, fidoyilik va o‘lim haqidagi film. Sevgi qurbonlik bilan o‘lchanadi”.
Kemeron 2019-yilda Jekning omon qolishi mumkinligi haqidagi ommaviy bahsni “ahmoqlik” deb atagandi.
Mavzuga doir:
- “Titanik” filmi haqidagi kadr ortida qolib ketgan hayratlanarli faktlar
- Jeyms Kemeron Leonardo Di Kaprioning “Titanik”da suratga tushishini istamagani aytdi
- Muvaffaqiyat badali: “Titanik” Keyt Uinsletning hayotini barbod qilishiga bir baxya qolgani hamda aktrisaning kinotanqidchilar nafratiga duchor bo‘lgani haqida
Izoh (0)