O‘zbekiston prezidenti Shavkat Mirziyoyev 17-avgust kuni Rossiya prezidenti Vladimir Putin bilan telefon orqali muloqot qildi. Bu haqda prezident matbuot xizmati xabar berdi.
Siyosatchilar xalqaro va ikki tomonlama kun tartibining dolzarb jihatlarini muhokama qilgan. Putin 15-avgust kuni Ankorij shahrida (Alyaska) bo‘lib o‘tgan Rossiya-AQSH sammitining asosiy natijalari to‘g‘risida ma’lumot bergan.
Prezidentlar suhbat davomida savdo-iqtisodiy hamkorlikka ham to‘xtalgan. O‘zbekiston va Rossiya korxonalarining ustuvor kooperatsiya loyihalarini jadallashtirishga qaratilgan muvofiqlashtirilgan choralar ko‘rish ham ko‘rib chiqilgan. Barcha darajalarda faol muloqot va almashinuvlarni davom ettirish muhimligi ta‘kidlangan.
Ma‘lumot o‘rnida, Qozog‘iston prezidenti Qosim-Jo’mart To’qayev ham 17-avgust kuni Rossiya prezidenti bilan telefonda muloqot qildi. U Vladimir Putinni Alyaskadagi sammit natijalari bilan tabrikladi. To‘qayev telefon suhbatida uchrashuv AQSHga Rossiyaning Ukraina bo‘yicha pozitsiyasini “yaxshiroq tushunish”ga yordam berganini aytdi.
Izoh (0)