Rejissor Jeyms Kameronning afsonaviy “Titanik” filmi 1997-yilda suratga olingan va 12 yil davomida insoniyat tarixidagi eng kassabop film bo‘lgan. Ushbu filmda suratga tushganidan keyin mashhurlikka erishgan aktyor va aktrisalarning ko‘rinishi 26 yil ichida qanchalik o‘zgargan? “Yandeks Dzen” nashri ushbu savolga quyidagi fotolar orqali javob beradi.
Leonardo Di Kaprio
1997-yilda “Titanik” kinokartinasining premyerasi bo‘lib o‘tdi. O‘sha paytda Leonardo Di Kaprio kinoni endigina zabt eta boshlagan edi. Ko‘plab mashhur aktyorlar loyihadagi bosh rol uchun ko‘rib chiqildi. Kristian Beyl ushbu filmda bosh qahramonni gavdalantirishi mumkin edi, biroq Jeyms Kemeron “Gilbert Greypni nima qiynaydi?” filmi yulduzini tanladi. Ushbu loyihada ishtirok etish Leonardoga butun dunyoga mashhur bo‘lish imkonini berdi. Hozirda Di Kaprio eng ko‘p talabga ega mashhur aktyor.
Keyt Uinslet
Keyt Uinslet yillar davomida ko‘plab obrazlarni muxlislariga taqdim etdi. U yillar davomida go‘zallik standartlariga ergashmasligi va inson o‘zini boricha yaxshi ko‘rishi kerak degan xulosaga keldi. “Titanik” chiqqandan keyin Leonardo Di Kaprio taniqli loyihalarda rol o‘ynay boshlagan bo‘lsa, Uinslet eksperimental filmlarga e’tibor qaratdi.
U hamkasbi va eng yaxshi do‘sti Leonardo singari tezda “Oskar”ni qo‘lga kiritmadi. Aktrisa ham bir necha bor nufuzli mukofotga nomzod bo‘lgan va “O‘quvchi” filmidagi ishtiroki tufayli o‘zi orzu qilgan mukofotni qo‘lga kiritgan.
Billi Zeyn
Odatda aktyor kinoda qandaydir obrazda paydo bo‘lsa, ko‘pchilik uni hayotda ham shunday deb o‘ylaydi. Biroq har doim ham siz o‘ylaganingizdek bo‘lmaydi. Billi Zeyn Rouzning bo‘lajak turmush o‘rtog‘i va bosh qahramonlarning muhabbat yo‘lini ikkiga bo‘lib yuborishga bor kuchi bilan uringan bosh roldagi salbiy qahramon rolini o‘ynadi. Albatta, uning filmdagi ishlari juda xavfli, biroq uni tushunish mumkin. Aktyor unchalik yoqimli bo‘lmagan inson rolida paydo bo‘ldi, shunga qaramay, tomoshabinlar Billini juda yaxshi ko‘rib qolishdi. Uning faoliyati Leonardo Di Kaprio va Keyt Uinslet kabi muvaffaqiyatli bo‘lmadi. Ammo Zeyn turli loyihalarda ishtirok etishda va aktyor sifatida ishlashda davom etmoqda.
Frensis Fisher
Bir paytlar g‘ayrioddiy ko‘rinishga ega bo‘lgan aktrisa hamkasbi Klint Istvud bilan ishqiy munosabatda bo‘lgan. Aktyorlarning mashhur ota-onasining izidan borgan qizi ham bor. “Titanik” aktrisa suratga tushgan birinchi loyiha emasdi. U faoliyati davomida obrazlarini ko‘p marta o‘zgartirdi va turli amplualarni sinab ko‘rdi. U yoshiga qaramay filmlarda va televideniyedagi loyihalarda ishtirok etishda davom etmoqda va shu bilan o‘z muxlislarini quvontiradi. E’tiborlisi, aktrisa qizi Francheska bilan bir necha bor katta va kichik ekranlarda paydo bo‘lgan.
Keti Beyts
Aktrisa buyuk yozuvchi va “dahshatlar qiroli” Stiven Kingning kitobiga asoslangan “Mizeri” trillerida rol o‘ynaganidan keyin mashhurlikka erishdi. Keti “Titanik”da boy ayol rolini o‘ynadi, u katta boylikka ega bo‘lishiga qaramay, oddiy inson bo‘lib qolganligi bilan yuqori tabaqali ko‘plab insonlardan farq qilardi. Bu obraz bosh qahramonni o‘ziga jalb qiladi va unga yordam beradi. Aktrisaning o‘zi esa mashhur bo‘lib, turli filmlarda rol o‘ynamoqda.
Viktor Garber
Viktor Garberning faoliyati hali ham qizg‘in pallada. U 1993-yilda “Sietlldagi bedorlar” melodramasida suratga tushgan. Keyinchalik u “Birinchi rafiqalar klubi” filmida ishtirok etdi. “Titanik” filmida ishtirok etgan ko‘pchilik aktyorlar singari u loyihaning bunchalik ko‘p ijobiy sharh olishini va butun dunyo bo‘ylab prokatlarda shunchalik katta miqdorda daromad olishini tasavvur ham qila olmagandi. Shundan so‘ng Viktor boshqa serial va filmlarda rol o‘ynashni davom ettirdi.
Garberning shaxsiy filmografiyasi doimiy ravishda yangi loyihalar bilan yangilanadi. Shuningdek, u Brodveydagi loyihalarda rol o‘ynaydi, u yerda nafaqat ajoyib aktyorlik mahorati, balki musiqiy iste’dodini ham namoyish etadi. Bir muncha vaqt oldin u Amerikaning mashhur “Shunchaki...” serialining yangi mavsumida ishtirok etib, unda galereya egasi Mark Kasabian rolini o‘ynagan.
Izoh (0)