Aqldan ozgan muxlis, akula hujumi, suratga olish paytidagi klinik o‘lim: hayotdan ko‘z yumishiga oz qolgan Gollivud yulduzlari

Ko‘plab aktyor va aktrisalar haddan tashqari o‘ziga ishonishi, katta boyligi va shaxsiy huquqshunosi bo‘lgani sabab ularga hech narsa xavf solmaydi deb o‘ylashadi, ammo qora kunlar hammada bo‘lishi mumkin.

Jeremi Renner

Marvel olami yulduzi jiddiy jarohat olib, hayotdan ko‘z yumishiga sal qoldi. Jeremi jiyanini qutqaraman deb, qor kurovchi mashina tagida qolib ketadi. Aktyor ko‘p qon yo‘qotgan, suyaklari 30 joyidan singan, ammo shifokorlar uning hayotini saqlab qolishga muvaffaq bo‘lishadi.

Margaret Hamilton

“Oz mamlakati sehrgari” filmidagi Yovuz jodugar rolini ijro etgan aktrisa Margaret Hamiltonning yuzi uchinchi darajali kuyish bilan jarohatlangan. Hammasiga ehtiyotsizlik sabab bo‘lgan. Margaretning tiklanishi uchun olti haftadan ko‘proq vaqt ketadi. Darvoqe, rejissyor Viktor Fleming jurnalistlarni aynan o‘sha dubl eng muvaffaqiyatli bo‘lganiga ishontiradi.

Brendan Freyzer

Mumiyaning sarguzashtlari haqidagi franshizaning birinchi qismida Freyzer qahramoni Misr qamoqxonasida osib o‘ldirishga hukm qilingan sahna mavjud. Rekvizitlarning ishonchliligiga qaramay, soxta osish Brendanni 18 soniya davomida klinik o‘limga olib keladi. Yaxshiyamki, uni o‘z vaqtida yechib olishga ulgurishadi.

 Jorj Kluni

Besh yil muqaddam Jorj Kluni skuterida Italiyani aylanib yurganida avtohalokatga uchraydi. Gollivud yulduzi skuteridan bir necha metrga uchib ketadi. Bu voqeadan keyin Kluni boshqa hech qachon ikki g‘ildirakli transport ruliga o‘tirmaslikka qasam ichadi. Ammo oradan bir necha oy o‘tgach, baribir va’dasini buzadi.

Xoakin Feniks

Intervyulardan birida Xoakin Feniks 2006-yilda avtohalokatda halok bo‘lishiga oz qolganini tan oladi. Aktyorning tormozi ishdan chiqqan, shundan so‘ng uning mashinasi boshqa mashinaga urilib ag‘darilgan. Birinchi bo‘lib nemis rejissyori Verner Xersog yordamga kelgan, u voqea sodir bo‘lgan joy yaqinida yashagan. U tezda shifokorlarni chaqirib, aktyor hayotini saqlab qoladi.

Ayla Fisher

“Ustasi faranglar” kartinasi iste’dodli aktrisaning so‘nggi ishi bo‘lishi mumkin edi. Suvga tushish tryukini sahnalashtirish paytida Ayla Fisher o‘lim yoqasiga kelib qoladi. U fokus paytida qutulishi kerak bo‘lgan zanjir qotib qolgandi. Yulduzning so‘zlariga ko‘ra, suratga olish guruhi hamma narsa rejaga muvofiq ketyapti deb o‘ylagan, aslida aktrisa hayoti uchun kurashgan. Aytishlaricha, Aylaning ikkinchi qismda suratga tushishdan bosh tortishiga aynan shu epizod sabab bo‘lgan.

Leonardo Di Kaprio

Di Kaprio nafaqat yosh modellarni, balki sho‘ng‘ishni ham yaxshi ko‘radi. To‘g‘ri, bir vaqtlar u Janubiy Afrikada dayving bilan shug‘ullangan va hayotdan ko‘z yumishiga sal qolgan. Leo yirtqichlarni kuzatish uchun maxsus qafasda okean tubiga sho‘ng‘iydi. Qaysidir lahzada to‘lqin qafasni ag‘daradi, buning natijasida bitta akula qafas ichiga kirib qoladi. Uddaburon aktyor qafasning tubiga yotib oladi va xodimlar yordamga kelguncha shunday jon saqlaydi. 

Bork

Islandiyalik mashhur qo‘shiqchi aqldan ozgan muxlisining qurboniga aylanishiga sal qoladi. 1996-yilda uning muxlislaridan biri yulduzga konvertga solingan portlovchi qurilmani yuboradi. U Bork xatni qachon ochishi kerakligini taxmin qilib, u bilan narigi dunyoda birga bo‘lish uchun peshonasiga o‘q uzadi. Yaxshiyamki, ishga vaqtida politsiya aralashadi va Bork omon qoladi.