Millionlab tomoshabinlarning sevimli aktyori Leonardo Di Kaprio 11-noyabr kuni 50 yoshga to‘ldi. Yubiley munosabati bilan aktyor Los Anjelesdagi shaxsiy qarorgohida yaqin qarindoshlari, do‘stlari hamda hamkasblari uchun katta ziyofat uyushtirdi. Tadbirga Di Kaprioning ota-onasi, kino va san’at sohasidagi ko‘plab yulduzlar va modellar tashrif buyurdi.
Tug‘ilgan kun bayrami yopiq formatda o‘tkazildi, biroq paparatssilar mashhur mehmonlarni uyning tashqarisida suratga olishga muvaffaq bo‘lishdi. Mehmonlar orasida: kulrang Porsche mashinasida rafiqasi Ines de Ramon bilan kelgan Bred Pitt, qadah ko‘tarib turgan holatda suratga olingan Peris Hilton, Robert De Niro, Kara Delevin, Keti Perri va Orlando Blum, Jeymi Fokslar bor edi.
Foto: Spletnik.ru
Shuningdek, Mark Ruffalo, Edvard Norton, Sara Sampayyo kabi mashhurlar hamda reperlardan Doktor Dre va Tyga kabilar ham tadbir mehmoni bo‘ldi.
Rejissyor Stiven Spilberg rafiqasi Keyt Kepshou bilan tashrif buyurdi. Leonardoning 81 yoshli otasi aktyorning o‘gay onasi Peggi Farrar bilan ishtirok etdi. Albatta, Leoning onasi esa turmush o‘rtog‘i Devid Uord bilan keldi.
-7KPFLrGv.webp)
Foto: Spletnik.ru
Bayramda 74 yoshli Stivi Uander ajoyib qo‘shiqlar kuyladi. Unga Di Kaprioning yaqin do‘sti Tobi Maguayr va Vittoriya Seretti birgalikda jo‘r bo‘ldi. Xonanda Uander oqshomning markaziy yulduziga aylandi va aktyor uchun “Happy Birthday” qo‘shig‘ini ijro etdi. Mehmonlar orasida Di Kaprioning hamkasbi Keyt Uinslet ham bor edi.
Foto: Page Six
Ma’lumot uchun, amerikalik aktyor, prodyuser, ekolog va xayriyachi Leonardo Di Kaprio 1974-yil 11-noyabrda hippilar oilasida tug‘ilgan. U o‘n uch karra “Oltin globus”, besh karra BAFTA va o‘n bir marotaba Screen Actors Guild Awards mukofotlari nomzodi bo‘lgan. 2016-yilda The Times jurnali tomonidan dunyoning eng nufuzli 100 kishisi qatoriga kiritilgan.
Di Kaprio ko‘pincha noanʼanaviy filmlarda, xususan, biografik, melodrama, drama filmlarda o‘ynaydi. 2019-yilga kelib uning ishtirokidagi loyihalar dunyo bo‘ylab 7,2 milliard AQSH dollari daromad keltirdi va u dunyodagi eng ko‘p haq to‘lanadigan aktyorlarning yillik reytingida sakkizinchi o‘rindan joy oldi. U xalqaro shuhratga Jeyms Kemeronning “Titanik” (1997) filmidagi Jek roli orqali erishdi.
Izoh (0)