Shunday filmlar borki, bir necha o‘n yillar o‘tsa ham tomoshabin ularni ko‘rishdan charchamaydi. Quyida o‘tgan asr oxirlarida suratga olingan filmlardagi mashhur sahnalarni qayta ijro etish orqali filmga yangi hayot bag‘ishlagan aktyorlar haqida so‘z boradi.
Mark Ruffalo va Jennifer Garner — “13 dan 30 gacha”
“13 dan 30 gacha” nomli komediyada bosh rollarni ijro etgan Mark Ruffalo va Jennifer Garnerning quchoqlashgan surati film timsoliga aylangan edi. Oradan 20 yil o‘tgach ular xuddi shu sahnani “Adam loyihasi” filmining reklama kompaniyasi uchun takrorlashga qaror qildi.
Uma Turman, Jon Travolta va Samuel L. Jekson — “Jinoiy asar”
Mazkur filmdagi eng mashhur sahna — bu Jon Travolta va Uma Turmanning restoranda ajoyib raqsga tushishidir. Raqs haqiqatan ham noodatiy ijro etilgani tufayli Travoltaning harakatlari hanuz parodiya qilinadi.
2022-yilda bo‘lib o‘tgan “Oskar” mukofotini taqdirlash marosimida aktyorlar Samuel Jeksonning oldida mashhur raqsini takrorladi.
Leonardo Di Kaprio, Keyt Uinslet va Jona Hill — “Titanik”
Uzoq yillik do‘stlar Di Kaprio va Hill “Shanba oqshomidagi jonli efir” dasturida “Titanik” filmidagi kema sahnasini parodiya qilishdi. Leonardo do‘sti Jonani orqasidan quchoqlab oldi. “Men uchyapmanmi, Jek?”, — deb so‘ragan Jonaga Leo: “Ha, Rouz, ha, sen uchyapsan”, — deya javob qaytardi.
Ketrin O’Hara — “Uyda yolg‘iz”
“Uyda yolg‘iz” filmi uchun ssenariy Jon Xyuz tomonidan yozilgan va u filmga rejissyorlik qilishni istagan, biroq muvaffaqiyatsizlikka uchrashdan qo‘rqqan Xyuz rejissyorlik kursisini Kris Kolumbga topshirgan. Keyinchalik u o‘zining qat’iyatsizligidan ancha afsuslangan.
Jon Xyuz 2009-yilda vafot etdi va 2021-yilda uning filmlarida suratga tushgan aktyorlar sevimli filmlar muallifiga hurmat bajo keltirish uchun birlashishga qaror qildi va o‘zlarining mashhur sahnalarini mustaqil videoga olishdi. Molli Ringuold, Miriam Flinn, Maykl Xoll, Chevi Cheys, Stiv Martin, Maykl Kiton va boshqalar filmdagi sahnalaridan birini takrorladi. Kevinning onasi rolini o‘ynagan aktrisa Ketrin O’Hara o‘g‘lini unutib qoldirgan sahnani qayta ijro etdi va “Kevin” deb baqirib, hushidan ketdi. Muxlislar o‘zlari uchun qadrli bo‘lgan kadrlarni yana bir bor ko‘rishdan mamnun bo‘ldi.
Tom Holland, Tobi Maguayer va Endryu Garfild — “O‘rgimchak odam: uyga yo‘l yo‘q”
Uchta o‘rgimchak odamning bir-biriga qarata ishora qilayotgan mem uzoq yillardan beri internet olamida eng kulgili hazillardan biri bo‘lib kelgan. “O‘rgimchak odam: uyga yo‘l yo‘q” filmida aktyorlardan Tom, Tobi va Endryular memni takrorladi. G‘oya muxlislar tomonida o‘ylab topilgan edi. Mazkur rasm Marvel va Sony’ning ijtimoiy tarmoqlardagi sahifalarida ham joylangan.
Izoh (0)