Ko‘p hollarda rejissorlar aktyorlarni cheklangan ampulada ko‘rishadi. Hatto taniqli san’atkorlar ham orzu qilgan rolini o‘ynay olmasligi mumkin. Quyida shu kabi film va seriallarda o‘zi orzu qilgan rollarni ijro eta olmagan mashhur aktyorlar haqida ma’lumot beriladi.
Zoi Doych — “Ochlik o‘yinlari”dagi Kitniss Everdin qahramoni
“Ochlik o‘yinlari” filmidagi Jennifer Lourens gavdalantirgan rolga Zoi Doych da’vogar bo‘lgan. Zoi kasting jarayonida bu rolga qabul qilinmasligini tushungan va bu aktrisa uchun juda og‘riqli bo‘lgan, chunki u haqiqatan ham ushbu franshizada ishtirok etishni xohlagan.
Skarlett Yoxansson — “Bechoralar” filmidagi Fantina obrazi
Enn Xeteuey “Bechoralar” filmidagi Fantina roli uchun ko‘plab mukofotlarga sazovor bo‘lgan. Gollivud aktrisasi Skarlett Yoxansson ham bu rol uchun imtihondan o‘tgan. Skarlett intervyularining birida ushbu loyihada ishtirok etayotganidan xursand ekanini aytdi. Biroq, aktrisa kasting paytida shamollab qolgan va natijada ushbu rolni Enn olgan. Skarlettning fikricha, uning raqibi rolni kamchiliklarsiz o‘ynagan.
Bob Odenkirk — “Ofis” serialidagi Maykl Skott qahramoni
Stiv Karell “Ofis” serialida Maykl Skott obrazini gavdalantirdi. Biroq, bu rolni “Yaxshisi, Soulga qo‘ng‘iroq qiling” filmi aktyori Bob Odenkirk ijro etishi mumkin edi. Karell rol uchun asosiy da’vogarlardan biri edi, biroq u to‘rtta qismdan so‘ng tugagan boshqa shouda qatnashdi. Oradan vaqt o‘tib Karell loyihaga qaytishga muvaffaq bo‘ldi.
Meril Strip — “O‘zga sayyoralik” Ellen Ripli
Ellen Ripli rolida Sigurni Uiverdan boshqa aktrisani tasavvur qilish qiyin. Biroq, dastlab bosh qahramon roli Meril Stripga taklif qilingan edi. Loyihada nima sababdan Uiver ushbu rolni gavdalantirgani noma’lum, ammo film rejissori Ridli Skott Uiverni bu rolga ko‘proq mos deb hisoblagani haqidagi fikrlar mavjud.
Meril Strip — “King Kong” kinokartinasidagi Dueyn
Meril Strip 1976-yilda suratga olingan “King Kong” filmidagi bosh qahramon Dueyn uchun kastingdan o‘tgan. Film prodyuseri italyan tilida aktrisaning juda xunukligini aytgan. Meril esa italyan tilini bilar edi, u o‘sha paytda italyancha javob berib, hammani hayratda qoldirgan.
“Hafsalangizni pir qilganimdan juda afsusdaman”, — degan aktrisa. Oxir-oqibat bu rolni Jessika Leng gavdalantirgan.
Natali Portman —“Romeo + Julyetta” Julyetta
Natali Portman 1996-yilda “Romeo + Julyetta” filmidagi Julyetta roliga tasdiqlangan. Biroq suratga olish ishlari boshlandi va rejissor Baz Lurman Portmanning Romeo rolini ijro etgan Leonardo Di Kaprioga nisbatan qay darajada yosh ko‘rinishini solishtirib ko‘rdi. Afsuski, yosh farqi juda sezilarli edi. O‘sha paytda Leo 21 yosh, Natali esa 14 yoshda edi, shuning uchun loyihada Portmanning o‘rniga Kler Deyns egalladi.
Keyt Uinslet — “Romeo + Julyetta” Julyetta qahramoni
Keyinchalik mashhur bo‘lgan ko‘plab aktrisalar Julyetta roli uchun raqobatlashdi. Aynan Di Kaprio rejissordan ushbu rolga Kler Deynsni olishni so‘ragan, chunki u rolni mahorat bilan ijro etgan.
Keyt Uinslet ham ushbu loyihaning kastingidan o‘ta olmadi, biroq taxminan bir yil o‘tgach, u “Titanik”da Di Kaprio bilan birga rol o‘ynadi. Agar Keyt Julyetta obraziga qabul qilinganida ikki marta Di Kaprio bilan partnyor bo‘lar edi.
Izoh (0)