Франциядаги кўча мусиқаси фестивалида 145 кишига шприц санчиб кетилди. Франция полицияси 22 июнь куни 12 нафар гумондорни қўлга олди. Бу ҳақда CNN хабар берди.
Ҳужумлар бутун Франция бўйлаб содир этилган. Париж полицияси пойтахтда шу каби 13 та ҳолатни тасдиқлаган. Ички ишлар вазирлиги маълумотларига кўра, игна санчиш ҳолатлари жабрланувчиларнинг қўли, оёғи ёки думба соҳасига амалга оширилган. Шприцда “рогипнол” ёки ГҲБ (гамма-гидроксибутират кислотаси) каби зўравонликларда қўлланадиган дорилар ишлатилган-ишлатилмагани номаълум.
“Вазирлик буни жуда жиддий қабул қилган. Токсикологик текширувлар ўтказилиб, тергов давом этмоқда”, деб баёнот берган Ички ишлар вазирлиги.
Дам олиш кунлари миллионлаб одамлар Фêте де ла Мусиқуэ умуммиллий байрамини нишонлаш учун кўчаларга чиққан. Расмийлар Парижда одатдагидан уч-тўрт баравар кўп одам бўлганини билдирган. Фестивал арафасида Абрèге Соэур каби феминист инфлюенсерлар ижтимоий тармоқларда “аёлларни шприц билан нишонга олиш” ҳақида маълумотлар борлигидан огоҳлантирганди.
Прокурорлар Парижда 3 киши, жумладан, 15 ёшли қиз ва 18 ёшли йигитга шприц санчиб кетилгани ҳақида хабар берилганидан сўнг терговни бошлаган.
Изоҳ (0)