Мария Антуанеттанинг ягона қизи ва Людовик XVI га тегишли бўлган 10,38 каратли Мария Тереза бриллианти Нью Йоркдаги Christieʼs ким ошди савдосида 13,9 миллион долларга сотилди. Бу ҳақда аукцион сайтида хабар берилди.
Пушти бриллиант ва бошқа баъзи қимматбаҳо тошларни Мария Антуанетта 1791 йилда Париждан қочиш арафасида сартарошига ишониб топширган ва бир кун келиб уларни қайтариб олиш умидида бўлган. Кейинчалик тош Франция қироличасининг тирик қолган ягона фарзанди герцогиня Мария Тереза де Ангулга, кейин эса унинг жияни Мария Тереза де Шамборга ўтган.
Бриллиант француз, бавариялик ва австриялик император ва қироллик оилаларида бўлган. Охирги марта қимматбаҳо тош 1996 йилда Женевадаги кимошди савдосида омма эътиборига тушган эди. Ўшандан бери қимматбаҳо тош жамоатчиликдан четда қолди.
Christieʼs маълумотига кўра, илк баҳолашда узукдаги пушти тош 5–7 миллион долларга баҳолан, бироқ тарихий қиймати ва камёблиги туфайли у жуда юқори нархда сотилган.
Изоҳ (0)