Франция қуролли кучлари 2040 йилгача жанговар роботларни ишлаб чиқишни режалаштирмоқда. Лойиҳа устида ҳарбийлар, муҳандислар, тадқиқотчилар ва мудофаа вакиллари иш олиб бормоқда. Бу ҳақда The Straits Times хабар берди.
“Яқин уч йил ичида қўшинларимизга роботлар кириб келиши кутилмоқда. Бу мисли кўрилмаган янгилик бўлади”, деди армиянинг келажакдаги жанговар қўмондони генерал Бруно Барац.
Бир неча ҳафта давом этган Париж ғарбидаги сўнгги ҳарбий мусобақада роботлар ҳам иштирок этишди. Оёқлар, ғилдираклар ва протекторлар билан жиҳозланган роботлар душман кучларига қарши туриш қобилиятини синовдан ўтказди.
“Кузатувдан тортиб то миналардан тозалашгача бўлган вазифаларни роботлар бемалол бажара олишини намойиш этди”, деди армиянинг техник бўлими бошлиғи генерал Тони Маффеис.
Франция армияси 2021 йилдан бери роботлардан фойдаланиш борасида тадқиқот ўтказиб келади. Украинадаги уруш ва унда қўлланилаётган дронлар урушни қайта шакллантириб, роботлар эволюциясини жуда тезлаштирди.
Изоҳ (0)