Apple ҳозирча фақат дастурчилар фойдалана олиши мумкин бўлган iOS 14.5 операцион тизимининг бета-версиясини тақдим этди. Унда 217 та янги эможи пайдо бўлган, уларнинг 200 таси — бу турли вариантдаги жуфтликлар, деб хабар беради Esquire.
Хусусан, эндиликда фойдаланувчилар соқолли аёл ва эркак смайликларидан фойдалана олади. Таъкидланишича, аёл юзига эга эможилар қошлари ингичка ва сочлари узун ҳолда чизилган.
Шунингдек, янги эможилар қаторидан — ҳорғин нафас чиқараётган смайлик (Exhaling Face), боши айланаётган (Face With Spiral Eyes) ва булутлар орасидаги смайликлар (Face in Clouds) ўрин олган. Бундан ташқари, дастурчилари мавжуд бўлган шприц смайлигига ўзгартириш киритиб, ундаги қонни олиб ташлаган (афтидан, бу коронавирусга қарши вакцинацияга боғлиқ).
Юракка боғлиқ янги смайликлар ҳам пайдо бўлган — ёнаётган (Heart on Fire) ва даволанаётган (Mending Heart).
2020 йилнинг декабрида тақдим этилган янги AirPods Max наушникларидан сўнг, Apple наушниклар эможисини ҳам ўзгартирган. Янги эможиларнинг тўлиқ рўйхати билан қуйидаги ҳавола орқали танишиш мумкин.
Эслатиб ўтамиз, Apple февраль бошида iOS 14.5’нинг бета-версиясини тақдим этганди. Янгиланиш орқали iPhone’ни ниқобда бўлган ҳолда ҳам юз сканери ёрдами очиш функцияси жорий этилмоқда.
Мавзуга доир: Униcоде 2020 йилнинг янги эможиларини тақдим этди
Изоҳ (0)