14—16 март кунлари IV Талабалар ва ўқувчилар франкофон театр ва мусиқа фестивали ўтказилди. Бу ҳақда Франция элчихонаси матбуот хизмати хабар берди.
Унда Тошкент, Бухоро, Самарқанд, Қарши, Фарғона, Андижон, Урганч, Жиззах, Бўстонлиқ, Ғиждувон, Паркент, Вобкент, Марҳамат, Деҳқонобод, Тўрақўрғон ва Юқоричирчиқ талабалари ва ўқувчиларининг 39 жамоаси қатнашган.
Фестиваль Франция элчихонаси томонидан Ўзбекистон Давлат ёшлар театри билан ҳамкорликда ташкиллаштирилган.
Театр режиссёри ва актёри Обид Абдураҳмонов, француз тили ўқитувчиси Юлия Мрачковская, элчихона таълим ҳамкорлиги атташеси Софи Жиндт ҳамда франциялик стажор Рафаэль Луве дан иборат ва элчихона маданият ва ҳамкорлик ишлари бўйича маслаҳатчиси Эмили Дезормьeр хоним бошчилигидаги ҳакамлар ҳайъати қарори асосида жамоалар ва энг яхши актёрлар 11 та Молер билан тақдирланди.
Изоҳ (0)