Ижтимоий тармоқларда Тошкентдаги мусиқа фестивалига келган фуқаролар жамоат тартибини бузаётгани акс этган видео тарқалиб, турли муҳокамаларга сабаб бўлмоқда.
Мазкур ҳолат юзасидан Тошкент шаҳар ИИББ расмий маълумот берди.
![](/static/2024/09/07/iibb-9IMlJnkW.jpg)
“Жорий йилнинг 6 сентябрь куни Юнусобод туманидаги мусиқа фестивалининг биринчи куни ўтказилди. Соат 18:00 дан 22:20 ларга қадар бўлиб ўтган тадбирда кўплаб мусиқа ихлосмандлари йиғилган. Бироқ улар орасида бир нечта фуқаролар жамоат тартибини бузиб, жамиятда юриш-туриш қоидаларини менсимасдан майда безорилик содир этганлар ҳам бўлди.
Ички ишлар органлари ходимлари томонидан кўрилган чора-тадбирлар натижасида уларнинг шахси аниқланиб, 5 нафар вояга етмаганларнинг ота-онасига Маъмурий жавобгарлик тўғрисидаги кодекснинг 47-моддасига кўра маъмурий баённома расмийлаштирилди. Қолган фуқароларга нисбатан тўпланган ҳужжатлар юзасидан терговга қадар текширув ўтказилмоқда. Якуни бўйича қонуний қарор қабул қилиниши таъминланади”, дейилади хабарда.
Шунингдек, ўтказилган текширув жараёнида фуқаролар тан жароҳати олгани ҳақида хабар келиб тушмагани маълум қилинди.
Изоҳ (0)