Мексиканинг Оахака шаҳарчаси аҳолиси маҳаллий аёлнинг зўрланишидан шунчалик қаттиқ таъсирландики, гумонланувчига нисбатан Линч суди (жиноятда гумонланувчи одамнинг судсиз, терговсиз равишда оломон томонидан ўлдирилиши)ни уюштиришга қарор қилди, деб ёзади Tengrinews.
Полициячилар зўравонни аёл тасвирлаб берган белгилар бўйича қўлга олган. 20 ёшли эркакни вақтинчалик изоляторга жойлаштиришган. Аммо зўрланган аёлнинг қариндошлари жиноятчини жазолаш истагидаги одамлардан иборат катта оломонни йиғиб келиб, полициядан маҳбусни уларга топширишни талаб қилди. Ҳуқуқ-тартибот ходимлари тартибсизликлар юзага келишидан қўрқиб, маҳбусни оломон ихтиёрига топширди.
Шаҳар аҳолиси уни дастлаб дўппослади, сўнг бу билан кифояланмасдан, уни тимсоҳ сақланаётган қафасга солиб қўйди. Шундагина полициячилар бу ишга аралашиб, эркакни қафасдан чиқариб олди ва оғир аҳволда касалхонага етказди.
Изоҳ (0)