Италияда Рим шифохоналаридан бирининг ходимига нисбатан суриштирув бошланди. У шприц ва капельницаларнинг игналарини ишдан олиб кетиб, уларни автобус ўриндиқларига яширган, деб ёзади «Вести.ru».
2017 йилнинг декабрида Рим карабинерлари бошқармасига шаҳар чеккасидаги йўналишлардан бири йўловчиларидан хавотирли хабарлар кела бошлаган. Ҳар сафар йўловчи ўриндиқларига яширилган тиббий игналар топилган.
Кузатув камераси ёзувлари жиноятчининг шахсини аниқлашга ёрдам берган. У Рим шифохоналаридан бирининг 58 ёшли санитари бўлиб чиқди. Унинг уйи тинтув қилинганда кўп сонли тиббий игналар топилган. Улар инфекцион экспертизага юборилган.
Қўлга олинган санитар ўз қилмишини тан олган, бироқ ҳаракатлари сабабини тушунтира олмаган. У суриштирув бошланганлиги ҳақида огоҳлантирилиб, озодликда қолдирилган.
Изоҳ (0)