Замонавий парҳезлар ва шубҳали оздирувчи дориларни унутинг — севимли қўшиғингиз нозиклик калитига айланиши мумкин. Япониялик олимлар ўз тадқиқотлари давомида акустик тўлқинлар ёғ ҳосил бўлишини тўхтатиши мумкинлигини аниқлади.
Тадқиқотчи Масаҳиро Кумета ўз баёнотида шундай деди: “Овоз физик шаклга эга эмас, хавфсиз ва тезкор восита бўлиб, у соғлиқни сақлаш соҳасида фойда келтириши мумкин. Овоз шунчаки шовқин эмас. У тебранишлардан иборат бўлиб, ҳаво, сув ҳатто тўқималарда тарқаладиган майда овозларни яратади. Ҳайвонлар овоз тебранишларини алоқа қилиш ва атроф-муҳит ҳақида маълумот олиш учун ишлатиши маълум. Ҳозирга келиб олимлар товушлар бизга чуқурроқ, ҳужайра даражасида қандай таъсир қилишини тушуна бошлади”.
Кумета ва унинг жамоаси томонидан олиб борилган изланишларга асосланган янги тадқиқот қуйидагиларни аниқлади: тебранишлар суяк ҳосил бўлиши ва яраларни даволаш учун жавобгар бўлган генларга таъсир қилиши мумкин. Кумета товушнинг ҳужайра фаоллигига қандай таъсир қилишини ўрганиш учун турли частотали тўлқинларга ҳужайраларни чўмдирадиган тизим ишлаб чиқилганини тушунтирди. Улар сичқонларнинг мушак ҳужайраларида уч турдаги овоз таъсирини синаб кўрди, булардан бири инсон эшитиш қобилиятининг чегарасига яқин бўлган юқори частотали товуш “ля” нотаси эди.
Натижалар ҳайратланарли бўлди. Овоз таъсиридан бир мунча вақт ўтгач, 42 та геннинг фаолияти ўзгарди. Бир кунда 145 та генга таъсир кўрсатилди. Ҳужайраларнинг реакцияси товуш тўлқинининг частотаси, интенсивлиги ва хусусиятига боғлиқ эди. Шунингдек, ҳужайра тузилиши турига қараб фарқ қиларди. Энг муҳими, тўлқин липидлардан тўпланадиган етук ёғ ҳужайраларига айлантириш жараёнини тўхтатди.
Тебранишлар натижасида ҳаммаси ёғ ҳужайраларига айланмади ва етилганлари эса одатдагидан тахминан 15 фоиз кам ёғга эга эди. Бу ҳодиса доимий овоз таъсири шароитида ҳам, кунига икки соатлик таъсирда ҳам кузатилди.
Тадқиқот дастлабки босқичда бўлса-да, олимларнинг фикрича, бу метаболизмни назорат қилишдан тортиб яраларнинг битишини тезлаштиришгача бўлган янги даволаш усуллари учун асос бўлиши мумкин.
Кумета жамоаси акустиканинг саломатлик учун салоҳиятини ўрганаётган ягона жамоа эмас. Стенфорд университети тадқиқотчилари товуш тўлқинларидан жуда зич жойлашган юрак ҳужайраларини қайта қуриш ва озуқа моддаларининг киришини яхшилаш учун фойдаланади.
Шу билан бирга, тебранишларни тўқималарга йўналтирадиган акустик тўлқин терапияси аллақачон сурункали оғриқ ва юмшоқ тўқималарнинг шикастланишини даволаш учун қўлланмоқда, бу эса қон айланишини яхшилайди ва яллиғланишни камайтиради. Кумета ва унинг жамоасининг кейинги режалари маълум турдаги ҳужайраларга таъсир қилиш учун товуш тўлқинларини созлаш бўйича тажрибаларни ўз ичига олади, бу эса янада аниқроқ даволаш усулларига йўл очади.
Изоҳ (0)