Кимёвий ароматизаторлар қўшилган ширин газланган ичимликлар мутлақ зарарли эканлигига ҳеч ким эътироз билдирмайди. Оддий газли сувчи, у шунчалик безарарми? Қуйида шу ҳақда сўз боради.
Нима учун ҳамма газли сувни яхши кўради?
Бу ерда маркетингсиз иш битмади. Гарчи бозордаги газланган сувнинг ҳаммаси ҳам минералларга тўйинган бўлмаса-да, газланган сув фойдали деган стереотип шаклланган (гарчи ҳар доим таркибига қараш керак бўлса-да). Бошқа томондан, кўпинча ортиқча калориялардан халос бўлишга қарор қилган одамлар газланган оддий сувни иштиёқ билан ичишади — улар кимёвий лимонадлардан воз кечишган, аммо вижиллаш ва пуфакчалар уларга зарарли ичимликлардан халос бўлишни осонлаштиради.
Газланган сувнинг зарарлари ва фойдалари
Пуфакчали сувнинг, ҳар қандай маҳсулот сингари, ўзига хос хусусиятлари бор.
Газли сув гидрация даражасини оширишга ёрдам беради
Агар сиз кўпроқ сув ичишингиз керак бўлса ва оддий сувни ича олмасангиз — газли сув ичинг. Ахир, бу шунчаки карбонат ангидридли тоза сув. Диетологлар ва бошқа таомланиш бўйича мутахассислар аста-секин “ҳар ҳар киши учун кунига 3 литр сув” каби қўрқинчли меъёрлардан воз кечмоқдалар – сувни чанқоқ пайтида ичиш керак, лекин етарлича, уни чой, қаҳва ва шарбатлар билан алмаштирмаслик керак.
Газли сув “мазалироқ”
Бу факт олдинги билан боғлиқ — вижиллаш ва пуфакчалар газли ичимликни ҳақиқатан ҳам “иштаҳа очувчи” қилади. Агар сиз таомномангизни соғломлаштириш йўлига кирган бўлсангиз, бу ҳақиқатан ҳам муҳимдир. Сироп қўшишнинг ҳожати йўқ, лекин сиз ҳар доим минерал сувга лимон, резаворлар ёки мева бўлакларини қўшишингиз мумкин.
Пуфакчалардан қорин шишиб кетиши мумкин
Бу ҳам ҳақиқат ва тоза физика. Газли сув ичганимизда, одатдагидан кўпроқ ҳаво ютиб юборамиз. Карбонат ангидрид билан биргаликда бу нохуш ҳис-туйғуларни келтириб чиқариши мумкин — айниқса, сиз таъсирланган ичак синдромидан азият чекаётган бўлсангиз. Худди шу сабабга кўра, газли ичимлик ич қотиши ёки аксинча, ич кетишига олиб келади.
Газли сувдан семириш мумкин
2017 йилда Американинг “Семизликни ўрганиш ва клиник амалиёт” журнали газланган сувнинг энг иштаҳа очар вижиллаши баъзи одамларда “очлик гормони” — грелин ишлаб чиқарилишининг кўпайишига олиб келишини тасдиқловчи тадқиқотни эълон қилди.
Газли сувдан озиш мумкин
Газли сув калориясиз тўқлик ҳиссини бериши мумкин. Бу ҳақида барча газли сувни яхши кўрувчилар айтади — у “бўш” сувга қараганда ошқозонни анча кўпроқ тўлдиради. Газланган сув бўйича тадқиқотлар кам, аммо соғлом фикр шуни кўрсатадики, агар тоза пуфакчали суюқлик ширин газланган ичимликлар ўрнига ишлатилса, бу табиий равишда истеъмол қилинадиган калория миқдорини камайтиришга ёрдам беради.
Газли сув мия учун фойдали
2022 йилда ўтказилган тадқиқот шуни кўрсатдики, совуқ газланган шакарсиз сув мия қон оқимини оширади. Стресс ҳолатига қўйилган тажриба иштирокчилари муз солинган вижиллайдиган сувдан ҳўплаб, илиқ ва газсиз сув берилган ҳамкасбларига қараганда ҳушёр, эътиборли, тетик ва ғайратли бўлиб қолишди.
Газли сув тишларга зарар етказиши мумкин — ва шакарнинг бунга ҳеч қандай алоқаси йўқ
Пуфакчали сув оддий сувга қараганда паст кислоталикка эга бўлиши мумкин, бу эса узоқ муддатда эмалга таъсир қилиши мумкин. Нервни ҳимоя қилувчи тиш эмалининг остидаги дентин ҳам карбонат ангидрид билан реакцияга киришади.
Бир сўз билан айтганда газли сувни ичиш зарарлими ёки фойдали?
Газли сув сувсизланишдан, ортиқча овқатланишдан қочишга имкон беради — қисқаси, саломатликка яхши хизмат кўрсатишга қодир. Аммо ундан фойдаланишнинг салбий томонлари ҳам бор. Шунинг учун ҳар нарсада меъёрга амал қилганингиз маъқул.
Изоҳ (0)